Bu mövzudakı ismarıc sayı: 8

[Usuli]

بسم الله الرحمن الرحيم

 

Forumun hədəfi müsəlmanlar arasındakı aktual problemlərin həllidir. Bunun üçün bizlər müşahidələrimiz nəticəsində gördüyümüz probelemləri bir siyahıda toplamışıq və Allahın izniylə əldəki imkanlar çərçivəsində onların çözümü üçün çalışırıq.
Bir sözlə problemlərin təsbitində qaynaq ancaq özümüzük. Təşhisin dahada dəqiq olması üçün bu mövzuda dəyərli oxuyucularımızın bizə kömək etmələri lazımdır.

Beləcə bizlərin və sizin gördüyünüz problemlər ortaq bir "Təsbit Edilmiş Problemlər Hovuzunda" toplanacaq və tək mərkəzdən ən optimal şəkildə həll edilməsi üçün çalışılacaq.

Siyahıdakı məsələlərimiz arasında müəyyən prinsiplərə görə tərcihlər edilir, hansısa mövzunun işləmə alınması üçün zərəri-faydası, yayğınlığı, əhatəsinin çətinliyi, təcili olması və s. ünsürlər nəzərə alınır.

Bu isə bura yazacağınız hər hansı problemin həmən həll edilməyib, ümumi siyahıya düşməyə uyğun olması təqdirində zamanı gəlincə həllinə çalışılacağı anlamına gəlir.

Burada qeyd edəcəiniz problemlər haqqında zəruri səbəb olmadan münasibət bildirməyəcəyik və təqdim etdiyiniz problemlər ilkin analizlərdən sonra mövzudan silinəcək. Tövfiq ancaq Allahdandır.

[Talib]

Salam Aleykum Və Rahmətullah

 

Dəyərli Usuli və Muslih qardaşlar! Allah elminizi İslama faydalı olacaq bir şəkildə artırsın! Amin.! Təklif edirəm ki “Nəcdli Dəvətçilərin” dörd məzhəbə müxalif olan görüşlərini ayrıca bir bölümdə işləyəsiz.

Misal üçün Nəcdilərin şirk və küfr olaraq dəyərləndirdiyi bir çox əməl və söz var ki, dörd məzhəbdən olan fəqihlərimiz o, əməllər və sözlər haqqında ya caiz ya məkruh ya bidət ya da haram hökmünü veriblər.

Alimlərimizin haqqında məkruh və haram hökmünü verdiyi şeylərdən biridə “Uca Rəbbimizdən başqasına and içmə” məsələsidir ki, Nəcdilər belə bir şeyi insanın İslam dinindən çıxmasına səbəb sayırlar. Bunun belə olduğunu Muhəmməd bin Abdil Vəhhabın "Kitabut Təvhid" kitabına şərh yazanlardan biri olan Şeyx Suleyman bin Abdilləh bin Muhamməd bin Abdil-Vahhəbın  “Təysirul-Azizil-Hamid fi Şərh Kitəbit-Təvhid”, 2/1022-1023 kitabında da görmək olar.

Uca Allah azzə və cəllə sizi haqqa müvəffəq etsin. (Amin)

 

 

[Bakuvi]

Təklifim:

 

Önəmli gördüyüm məsələrdən biri də insanı İslam dinindən çıxaran sözlər, əməllər, etiqadlar haqqında forumda alimlərin fikirlərini yazsanız gözəl olardı.

Həmçinin müasir məsələlər haqqında da yazsanız yaxşı olardı. Çünki forumda bu məsələlər haqqında bir şeylər yoxdur. (Seçki, Əsgərlik, Məktəb, Parlamentoya girmənin hökmü, və.s)

[Talib]

Təklifim:

Möhtərəm Elm Talibləri Usuli və Muslih qardaşlar. Təklif edirəm ki forumda ayrı bir mövzuda Hənəfi məzhəbinin mötəbər qaynaq kitablarını zikr edəsiz. Həmçinin forumda kitablarından nəql gətirdiyiniz Hənəfi alimləri haqqında da məlumat verəsiz. Tərcümeyi halları haqqında. Digər alimlərin onlar haqqında dedikləri və.s....

Bu təklifimin xüsusi səbəbi budur ki günümüzdə özünü Hənəfi məzhəbinə nisbət edən fırıldaqçılar çoxalıb. Bu cür fırıldaqçılardan bir neçəsi ilə şəxsən görüşmüşəm. Bu fırıldaqçılar özlərini Hənəfi məzhəbinə nisbət etmələrinə baxmayaraq Muhəmməd bin Abdil Vəhhabın “Kitabut Təvhid” əsərini çap edib yayırlar. Bunlara Hənəfi fiqhi kitablarından bir şeylər nəql edəndə də deyirlər ki “biz Qurana və Sünnətə baxarıq”. Bu insanlar özlərinə müvafiq olan məsələləri Hənəfi alimlərindən gətirirlər nə zaman ki bunlara zid oldu o zaman da qəbul eləmirlər. Batil iddialarından biridə Nəbidən (sallallahu aleyhi və səlləm) şəfaət tələb etməyə böyük şirk deyirlər. Bunlara hansı məşhur Hənəfi alimi bu əməli şirk görüb sualını verdikdə isə gözlərini döyürlər. Cavab verməkdən aciz olduqları üçün bu səfər də Muhəmməd bin Abdil Vəhhabın bu əməli İslamdan çıxaran şeylərdən zikr etməsini gətirirlər.

 

Fayda: Yuxarıda zikr etdiyim şeylər tərtibli bir şəkildə zikr edilərsə Hənəfi məzhəbinin mötəbər kitabları və alimləri o zaman avam müsəlmanlar da bu cür fırıldaqçıların hiylələrindən qurtulmuş olarlar.

 

[Muhammed]

Hal-hazırda rafizilər olduqca aktivləşiblər.  həm ölkə rəhbərliyinin şərait yaratmağı, həm İranın güclü dəstəyi, bir yandan ANS kimi ağılsız kütləvi informasiya vasitələrinin xalqı cəhalətə aparmaqları, bunlardan əlavə də meydanı boş görən - vicdanlı müzakirədən, ədalətli fikirdən uzaq, arsız, şiə "elm tələbələrinin" sosial şəbəkələrdəki meydan sulamaları artıq problemə çevrilir. 


Təklifim odur ki, imkan olduqca onları yerlərinə oturdacaq, keçmişlərini bugünlərini ortaya qoyacaq paylaşımlar edilsin. Əhli sünnə mənbələrindən dəlillər gətirirlər YALAN YERƏ.  Təbii mən də daxil olmaqla böyül əksəriyyətin onların bu iftiralarını ifşa etmək imkanı yoxdur. Forumda onları və onların yalan iddiaları haqqında müzakirə etmək imkanını genişləndirmək yerinə düşər. 

[Talib]

Təklif:

 

Forumda "Şəfaət" mövzusu ilə bağlı "Sələfilərin" öz görüşlərini dəstəkləmək üçün dəlil olduğunu zənn edərək Quran' dan gətirdiyi ayələr haqqında ayrıca bir mövzuda təfsilatlı bir cavab yazılsa düşünürəm ki faydalı olar.

Misal üçün Əz Zümər 39/3 Əl Bəqərə 2/255 Yunus 10/18 - 106 Fatir 35/14

Forumda bu mövzuda həm dörd məzhəb alimlərinin həm də "Sələfi" alimlərinin görüşlərini zikr etsəniz də düşünürəm ki bu yöndə bir boşluq buraxmısınız. Bu boşluğu doldurmaq üçün gözəl bir məqalənin hazırlanmasına isə zəruri bir ehtiyac var.

Allah sizdən razı olsun və elminizi İslama faydalı bir şəkildə artırsın.

[Səlahuddin]

 

Təklif:

 

Forumda "Şəfaət" mövzusu ilə bağlı "Sələfilərin" öz görüşlərini dəstəkləmək üçün dəlil olduğunu zənn edərək Quran' dan gətirdiyi ayələr haqqında ayrıca bir mövzuda təfsilatlı bir cavab yazılsa düşünürəm ki faydalı olar.

Misal üçün Əz Zümər 39/3 Əl Bəqərə 2/255 Yunus 10/18 - 106 Fatir 35/14

Forumda bu mövzuda həm dörd məzhəb alimlərinin həm də "Sələfi" alimlərinin görüşlərini zikr etsəniz də düşünürəm ki bu yöndə bir boşluq buraxmısınız. Bu boşluğu doldurmaq üçün gözəl bir məqalənin hazırlanmasına isə zəruri bir ehtiyac var.

Allah sizdən razı olsun və elminizi İslama faydalı bir şəkildə artırsın.

 

[Talib]

Təklif:

Forumda Xilafətin vacibliyi haqqında yazı olsada detayları haqqında məlumat yoxdur. Təklifim budur ki bu mövzuda gözəl bir məqalə hazırlayasınız. Həmçinin İraqda elan edilən xilafətin səhih olub olmaması haqqında geniş məlumat verəsiz.

[Bakuvi]

Şәfaәt mövzusu ilә bağlı bu әmәlә "şirk" deyәnlәrin öz görüşlәrinә "dәlil" zәn etdiklәri ayә vә hәdislәri tәhlil edib oxuyuculara tәqdim etsәniz yaxşı olardı. Müxalif olan tәrәfә alim görüşlәri tәqdim edildikdә çox rahat bir şәkildә inkar edirlәr.