Mövzuda Bir İsmarıc Var

[Abdul Hakim]

Əssələmu aleykum. Öncədən Allah razı olsun, Allah cc sizləri haqqa müvəffəq etsin. 

 

Qardaş sualım Muhamməd bin Abdulvahhabın "Kitabüt-tövhid" adlı kitabı haqqındadır. Belə ki, bu kitab haqqında elm əhlinin rəyi necədir? Bu kitaba verilmiş rəddiyələr varmı? Bu kitabın ümmət üçün "faydaları" və "zərərləri" nələrdir? 

Sələfi "elm tələbələrindən" Əbu Zeyd iddia edir ki, bu kitaba heç bir rəddiyə yazılmayıb. Çünki kitab ancaq ayə və hədisdən ibarətdir. Onlara isə rəddiyə yazıla bilməz. Əbu Zeydin sözlərini bu linkdən dinləyə bilərsiz.

[Usuli]

Və aleykumussəlam və rahmətullah!

Öz müasiri olan alimlər tərəfindən haqlı olaraq “Nəcdin Tağutu” ləqəbiylə təltif edilmiş Muhəmməd bin Abdil Vəhhabın bir neçə cızma qarasından biridə sözünü etdiyiniz “Kitəbut Təvhid”dir.

Hansısa bir məntiqsəl tərtibdən çox uzaq olan bu kitabda, müəllifin tövhiddən və ümumilikdə əqidədən zənn etdiyi, insanlar tərəfindən yanlış anlaşıldığı düşünülən mövzuların bir çoxuna toxunulur.

İçində bir çox safsata, Ayə və Hədislərin əsassız yorumlanma örnəkləri vardır. Öz batil əqidəsi üçün istidlalda istifadə etdiyi hədislərin bir çoxu sənəd etibarilə zəifdir. Bəli! Fəzilətli əməllərdə belə zəif hədisi qəbul etməyən bir tayfanın, praktik olaraq Qurana bərabər tutduğu bir kitabda Əqidə məsələləri zəif hədislər üzərinə qurulub. Buna əmin olmaq üçün elə məlum tayfanın bu kitabın hədislərinə etdiyi təxricə baxmaq yetərlidir.

Kitaba rəddiyə yazılmasına gəlincə bu və bu məzmunlu digər əsərlərə yazılmış iki yüzə yaxın müxtəlif rəddiyə vardır. Az bir qismi mətbudur.

Əbu Zeyd kitaba rəddiyə yazılmamasına səbəb olaraq Kitabın ancaq Quran və Hədisdən ibarət olduğunu zikr edir. Bu iddia üç yöndən batildir. Əvvəla kitab sadəcə Nasslardan ibarət deyil! Müəllif o nasların hamısından müəyyən sapıq nəticələr çıxarmışdır. İkincisi kitaba və sahibinə yetərincə rəddiyələr yazılıb. Üçüncüsü ən əsası isə, rəddiyə Ayə və Hədislərə deyil, kitab təlif etməyə çalışan bədəvilərin o Ayə və Hədisdən çıxardıqları nəticələrin əsassızlığını isbat üçün yazılır...

Əgər hadisələri təqib edirsinizsə görərsiniz ki, bu məktəbin “xəstələri” belə batan gəmidən öz qayıqlarını qurtarmaq üçün “Nəcd dəvətçilərinin bəzisində təkfirçilik olub” şəklində açıqlamalar verirlər.

Səmimiyyət kasıbı bu miskinlər, Nəcd dəvətinin kökdən təkfirçilik üzərində qurulduğunu və bu gəminin kapitanının məhz Muhəmməd bin Abdil Vəhhab olduğunu deməyə hələki cəsarət etmirlər. Sanki Nəcd dəvətçiləri bu fikri özlərindən ortaya atıblarmış kimi, bəzi qeyri bütləşdirilmişlərə hücum edə biləcək qədər “cəsarət” toplayıblar...

Ancaq qəribədir ki, Nəcdilərin təkfirindən danışan toz duman ustaları, eyni zamanda İslama yeni gəlmiş insanlara “Kitabut Təvhid” oxutmağı tövsiyə edirlər. Lakin unudurlar ki, səmimiyyətin yarımçığı olmur... Belə birinin halı, insanları kimyəvi narkotiklərdən çəkindirib, təbii narkotiklərə yönləndirənin halıdır... Əgər insanın ətrafındakı hər kəs zombidirsə, istədiyini danışa bilər… Nəticədə kimsə düşünüb etiraz edəcək bir ağla və ya şəxsiyyətə sahib deyil…