بسم الله الرحمن الرحيم

Söz etmək istədiyim mövzu, itaətdə şirk məsələsidir...
Hansı növ itaətin şirk olduğu demək olar ki, hər kəscə məlumdur... Bu, kafirləri əsas alaraq haramları halal saymaq və ya hər hansı bir kimsənin Allahın qanun qoyması xaricində qanun qoyma haqqı olduğuna inanmaqdır... Yəni onlara bu etiqadda tabe olmaqdır. İslamın şirk olaraq dəyərləndirdiyi bu etiqada zamanımızda “Demokratiya” deyilir...
Lakin, təəssüf ki, şeytan qarşı tərəfdəki bəzi insanlara sağdan yaxınlaşaraq onlara etdiklərini bəzəyir və şirkdən olmayan şeyləri şirkdən saymalarını təmin edir... Nəticə etibarıyla, Xaricilərin düşdüyü bəzi xətalara düşürlər...
Bu mövzuda həddi aşanların təfsilatına girmədən, itaətlərdən şirk olanı olmayandan ayırmağa çalışacayıq ki, haqq ortaya çıxsın... hökmlər yerini tapsın...
Məsələnin zikr edilməsini tələb edən səbəb isə, praktikada müsəlmanların bu cür itaətlərlə qarşılaşmasıdır. Bu səbəblə də, onlara şirk olanı olmayandan ayırmaq vacibdir!
Məsələn ölkəmizdə hər qadını öz qadınları kimi iffətsiz görmək istəyən namussuzlar, müsəlman qadınların hicabla şəkil çəkdirməsini qadağan ediblər... Bu mövzuda hansısa bir səbəbdən onlara tabe olub şəkil çəkdirən qadının İslami hökmü nədir?
Ümumən elm əhli – Uca Allahın rəhməti üzərlərinə olsun - bu məsələdə etiqadı şərt qoşublar... Yəni itaət edən şəxsin şirkə girib girmədiyini onun etiqadına bağlamışlar. Təbii ki, etiqadla qəsdimiz mütləq məna deyil. Onların görüşlərini zikr etdikdən sonra məsələni qısa şəkildə təfsil edib, alimlərin görüşlərinin doğru anlaşılmasına çalışacayıq.

بسم الله الرحمن الرحيم

Şəfaət İstəmək

Həmd, qullarından bir qismini seçərək, onlara Allahın muradını doğru anlama qabiliyyəti verən Uca Allaha məxsusdur.
Onun muradını ən doğru şəkildə anlayan Rəsula, onun Əhli Beytinə, əshabına və onların yolunda olanlara salat və salam olsun.


Mövzumuz:

Hər şeyin həqiqi failinin Allah olduğunu, Onun izni olmadan heç nəyin baş verməyəcəyini bilərək, ölüyə və ya diriyə, onun yanından və ya uzaqdan, Qiyamət günü və ya hazırda şəfaət etməsi üçün müraciət etməyin Şəri hökmü, daha doğrusu bu əməlin şirk olub olmaması.

Dedik: “şeyin həqiqi failinin Allah olduğunu...” bununla Aləmdə Allahın iznindən kənar qüvvələrin mövcudluğunu qəbul edən müşrikləri tərifdən kənar buraxaraq, mövzunu Allahın izni olmadan yarpağın belə ağacdan düşməyəcəyinə inanan Müsəlmanlarla məhdudlaşdırdıq.

Dedik: “ölüyə və ya diriyə...” Çünki, bəziləri diridən şəfaət istəmənin şirk olmadığını etiraf etsələr də, eyni əməlin ölüyə yönəldilməsini şirk sayır və bu iki halı bir birindən ayırır.

Dedik: “yanından və ya uzaqdan...” Çünki, bəziləri məzar başında şəfaət istəməyi şirk görmədikləri halda, uzaqdan şəfaət istəmə prosesini şirk sayırlar.

Dedik: “Qiyamət günü və ya hazırda...” Çünki, bəziləri Qiyamət günü şəfaət etməsini istəməklə, hazırda istiğfar etməsini ayırır və sonuncunu şirk sayırlar.

Dedik: “Şəri hökmü...” Bununla Şəriətin hökm çıxarma hüququ tanımadığı şəxslərin çıxardığı hökmlər bir kənara buraxıldı.

Dedik: “bu əməlin şirk olub olmaması...” Bununla əməlin bidətlik, caizlik və ya müstəhəblik yönünü bir kənarda buraxmış olduq.


Mövzunun müzakirə səbəbi:

Şəriətin bu mövzudakı hökmünü bəyan edərək, doğru görüşü açıqlamaq, haqsız olanların haqsızlıqlarını – dönmələri ümidilə - onlara xatırlatmaq, həqiqi Tövhidin anlaşılması və Haqq Əhlinin məzhəbini məhkəmləndirərək Uca Allahın dininə yardım etmək!

Mövzunun tərtibi:

İstənilən mövzunun aydınladılması üçün onun sistemli bir şəkildə analiz edilməsinə ehtiyac var. Buna binaən – Uca Allahın yardım ilə - mövzumuzu aşağıdakı şəkildə tərtib edəcəyik:

1) Mübahisənin mahalının/predmetinin təyin edilməsi ki, bu artıq yuxarıda müəyyən edildi.
2) Gərəkli məfhumların/terminlərin izahı. Çünki məfhumlardakı qarışıqlıq, mövzunun çözülməsinə əngəldir.
3) Mövzu ətrafında mötəbər alimlərin görüşlərini zikr edərək, muhtəməl etirazlara cavab verilməsi.
4) Müxaliflərimizin “məzhəb” əsaslarının analiz edilərək, nəqli və əqli yöndən əsaslı olub olmadığına baxış.

Təqdim elədiyim bu sayt fellərin çəkimi haqqındadır. Sizə lazım olan feli seçib onun müxtəlif bablarda çəkimlərinə baxa bilərsiz. Öncə felin kök hərflərini seçin daha sonra isə rum rəqəmləri yazılan yerdən istədiyiniz babı seçin, sonda isə Conjugate düyməsinə basın...

Sayta buradan baxa bilərsiz

بسم الله الرحمن الرحيم

Əl Öpməyin Hökmü

Bu mövzunu açmağa məni vadar edən "əli öpüləcək adamların hüquqlarını qorumaq" deyil!
Mövzunun açılma səbəbi cəhalətdir. Bir müddət əvvəl Pakistanda "təhsil" almış "elm tələbələrin"dən biriylə əl öpmək mövzusunda mübahisəmiz oldu. Müxalifin iddiası həqiqətən ağla sığmaz idi. O əl öpməyin şirk olduğunu, insanı İslam dinindən ixrac etdiyini söyləyirdi. Bu və bənzəri fikirdə olan bir neçə cahilə də rast gəldikdən sonra bu mövzuya ehtiyac olduğu qərarına vardım.
Qissəni zikr etməkdəki məqsədim isə, cəhalətin yadırğanması və xilafın mahalının dəqiqləşdirilməsidir. Buna hər zaman ehtiyac var. Çünki, cəhalətlərinə rağmən hər tərəfə "elm saçanlar"ın adətən mübahisə zamanı mübahisənin mahalını müəyyən edə bilmədiklərini görərsiniz. Çünki, güclü zən etdikləri zəif ağılları daha mahal təyin edəcək səviyyədə deyildir.
İxtilafların çözülməsində əsas rüknlərdən birinin "ixtilaf mahalının təyin edilməsi" olduğu halda bunu müəyyən edə bilməyənlərin hər cür xilafdan uzaq durması lazım deyilmi?

Mövzumuzun ana xətləri:

Əl öpmək caizdirmi?
Kimlərin əli öpülür?
Əli öpülənin hökmə təsiri varmı?
Əl Öpməyin təkəbbürə səbəb olması halında hökm dəyişərmi?

Uca Allahdan bu Dini cahillərin təhrif və əhliyyətsizliklərindən qorumasını diləyirəm!

بسم الله الرحمن الرحيم

Daşınabilən HDD nədir?

Daşınabilən HDD – xarici HDD-dir. Bir sözlə üzərinizdə daşıya biləcəyiniz bir bilgi qaynağıdır.