Forumda İslama zidd olan materialların nümayiş etdirilməsi qadağandır. Hər hansı bir məsələ ilə bağlı şübhəsi olanların yazdıqları və ya kafirlərin etdiklərinə diqqət çəkmək və Müsəlmanların onları daha yaxşı tanıması məqsədilə bu cür materialların forumda nümayişi bu qaydadan istisnadır. Nümayiş yeri, forması və zamanı forum sahibləri tərəfindən müəyyən olunur!

Forumda Müsəlmanlar üçün faydası olmayan məsələlərin qaldırılması və ya növündən asılı olmayaraq hər cür oyun və əyləncə linklərinin verilməsi qadağandır. Məsələlərin faydalı olub olmamasına Forum sahibləri qərar verir.

Forumda İslam şəriətində və ya fiqhində ixtilaflı olan məsələlərin şişirilərək Müsəlmanlar arasında ayrılmaya və parçalanmaya səbəb olacaq bir formaya çatdırılması qadağandır. Bununla yanaşı hər kəs öz fikrini dəstəkləyən dəlilləri zikr etməkdə sərbəstdir.

Forumda Allah və Rəsulu adına elmsizcə danışmaq, İslam əxlaqına zidd bir formada mübahisə etmək qadağandır. Hər kəs tələb olunduğu zaman iddialarını üsula uyğun bir şəkildə isbat etməyə məcburdur. Elmi münazirələr “söz güləşdirmə” səviyyəsinə endikdə səbəbkarlar haqqında lazımi tədbirlər görüləcək. Mövzudan yayınma halında ismarışlar silinəcək.Hər bir istifadəçi 5-ci xəbərdarlıqda Forumdan xaric olunur. İstifadəçilər Forum sahibləri tərəfindən etdikləri səhvin miqyasına görə birbaşa da xaric oluna bilərlər!

Forumda Azərbaycan dilində və Azərbaycan əlifbasında yazmaq məcburidir. Zərurət halı olmadan başqa dillərdə və başqa əlifba ilə yazılar yazıla bilməz. Ancaq ehtiyac olduğu zaman başqa dildə olan mənbələrə linklər verilməsi sərbəstdir.

Forum sahibləri istifadəçilərin təhlükəsizliyi üçün heç bir şəkildə məsul deyil! İstifadəçilərin təhlükəsizliyini qismən də olsa təmin etmək məqsədilə: Forumda qeydiyyatdan keçdiyiniz e-maillərin hər kəs tərəfindən görülməyə açıq buraxılması, real həyatda istifadə etdiyiniz ad və ləqəblərlə qeydiyyatdan keçmək və qeydiyyat zamanı real məlumatlar vermək qadağandır.

Forumun qaydaları irad və təkliflər üçün açıqdır.

Forum sahibləri qaydaları istədikləri vaxt dəyişdirmək haqqına malikdirlər.

Forumun bütün haqları Aləmlərin Rəbbi olan Allah tərəfindən qorunur! Foruma qarşı edilən hər haqsızlıq üçün Qiyamət günü Hakimlərin Hakimi yanında bir cavabdehlik vardır.


Bu sizinlə Forum sahibləri arasında bir müqavilədir və digər müqavilələr kimi Allah qatında buna riayət edib etməməniz haqda cavab verəcəksiniz!