بسم الله الرحمن الرحيم
Öncəki yazılarımızda da dəfələrlə vurğuladığımız kimi, yer üzündə Allahın xəlifəsi olmaq üçün sadəcə Şəri bilgilərə sahib olmaq yetməz. Əksinə dünyada baş verən prosesləri anlamaq və onlara hakim olmaq üçün Dünyəvi elmləri öyrənməli, bir dünya görüşünə sahib olmalıyıq.
Açdığım bu mövzuda dünya görüşünüzü genişlədəcək bəzi kitablar paylaşmaq istəyirəm. Bu vəsiləylə kiçik çapda da olsa, Müsəlmanların bu sahədəki boşluğunu dolduracağıma ümid edirəm. Tövfiq yalnız Allahdandır.
![Фотография](http://www.ehlitevhid.com/forums/uploads/profile/photo-5.jpg?_r=1362539664)
Faydalı Dünyəvi Kitablar
#1
Yerləşdirilmə tarixi: 26 oktyabr 2015 - 19:33
- Hənif bu ismarıcı bəyəndi
#2
Yerləşdirilmə tarixi: 26 oktyabr 2015 - 19:42
Bu mövzuda tövsiyə edəcəyim ilk kitabı, daha Unversitet illərində oxumuş və çox faydalanmışdım.
Kitabın müəllifi bu sahənin məşhur yazarı Robert Grindir. Orijinalı İngilis dilində olan "The 48 Laws of Power" isimili bu kitab, bir çox dilə tərcümə edilmişdir.
Azərbaycan dilində, ixtisar edilmiş çox bərbad bir tərcüməsi mövcuddur. Bu səbəblə ya Rus, ya da Türk dilində oxumanızı tövsiyə edirəm.
Kitab Rus dilin "48 Законов власти", Türk dilinə "İktidar" adıyla tərcümə edilib.
Rus dilində online oxumaq üçün bu linkə müraciət edə bilərsiniz.
Bu kitab, sanki özünüz yaşamısınız kimi, sizə yeni həyat təcrübələri qazandıracaq.
- Hənif bu ismarıcı bəyəndi
#3
Yerləşdirilmə tarixi: 26 oktyabr 2015 - 20:05
Təqdim etmək istədiyim ikinci kitab da eyni müəllifə aid olub, "The 33 Strategies of War" adlanır.
Rus dilinə "33 стратегии войны", Türk dilinə "33 Stratejide Savaş" adıyla tərcümə edilmişdir.
Kitabda müxtəlif növ savaş və mübarizələrin təməl qaydalarından, təqib ediləcək strategiyadan bəhs edilir.
- Hənif bu ismarıcı bəyəndi
#4
Yerləşdirilmə tarixi: 26 oktyabr 2015 - 20:25
Gene Sharp isimli siyasi elmlər professoru tərəfindən qələmə alınmış "From Dictatorship to Democracy" adlı kitab, dünyanın bir çox dillərinə tərcümə edilmişdir.
"Sivil İtaətsizlik", "Passiv Mübarizə" nəzəriyyəsi mövzusunda yazılmış ən tərtibli kitablardan biridir. Kitabda Diktaturadan qurtulmaq üçün 200 ə yaxın silahsız mübarizə üsulu təhlil edilmişdir.
Kitabın öz dilimizə tərcüməsini bu linkdən əldə edə bilərsiniz.
- Hənif bu ismarıcı bəyəndi
#5
Yerləşdirilmə tarixi: 22 iyun 2017 - 03:31
Bəyaz Zanbaqlar Ölkəsi - Finlandiya
Zamanımızda Dünyanın ən inkişaf etmiş və təhlükəsiz ölkələrindən biri Finlandiyadır.
Çoxu bataqlıqdan ibarət, təbii sərvətləri qıt olan ərazidə bu cür maddi rəfaha qovuşmuş bir ölkə, həm də çox qısa müddətdə necə quruldu?
Qriqoriy Petrovun qələmə aldığı “Финляндия, страна белых лилий – Bəyaz Zanbaqlar Ölkəsi – Finlandiya” kitabının mövzusu məhz budur.
Ziyalılar müstəmləkə olmaqdan yeni qurtulmuş Finliləri necə yetişdirdilər? Xalqı maarifləndirmək üçün, onlara xidmət naminə nələr etdilər?
Finlandiya – İkinci sinif ölkələr üçün örnək qəbul ediləcək, uğurlu bir təcrübədir. İstər insani, istərsə də İslami olaraq bu kimi təcrübələrdən istifadə edilməlidir. İnsanlarımızın bu təcrübədən faydalanması ümidilə tövsiyə etdiyimiz kitablardan biri: Bəyaz Zanbaqlar Ölkəsi
Kitab ilk dəfə 1923 cü ildə nəşr edilib. O zamandan bəri onlarca dilə çevrilib və milyonlarca tirajla mütəmadi oxunan məşhur kitablardandır. 1928 ci ildə ilk dəfə Türk dilinə tərcümə edildikdən sonra, sadəcə Türkiyədə 41 dəfə nəşr edilib...
Kitab Azərbaycan dilinə də tərcümə edilib. Bakıdakı kitab mağazalarından əldə edə bilərsiniz.
#6
Yerləşdirilmə tarixi: 16 yanvar 2018 - 12:30
“Bəyaz Zanbaqlar Ölkəsi – Finlandiya” adlı məşhur kitabın müəllifi Qriqoriy Petrovun “İdeal Müəllim” adlı kitabçası. Bu ilham verici kitabça, Moskva Universitetində riyaziyyat professoru ikən, bu məqamı tərk edərək Rusiyanın ən ucqar yerlərinə gedən, təhsili xalq səviyyəsinə endirən Sergey Raçinskidən bəhs edir.
Kitabça sosyal və əxlaqi rəfahın fədakarlıqlarla düz mütənasib olduğunu vurğulayır. Kimlərsə özünü fəda etmədikcə, xalq arasına enərək, onları irşad edib, içlərindəki gizli istedadları ortaya çıxarmadıqca bir millətin inkişafından söhbət gedə bilməz. Raçinski, bu fədakarlığın ən böyük nümunələrindən biridir.
Müəllif kitabçada sadəcə təhsil problemindən deyil, kompleks bir yanaşma ilə ölkədəki içki düşkünlüyü, əxlaqi və dini çöküş, iqtisadi və sosyal problemlərdən də bəhs edir.
Bu ilham verici hekayə “İdeal Öğretmen” adıyla Türk, “İdeal Müəllim” adıyla, danışmaqdan utandığımız öz dilimizə tərcümə edilib.
Sizlərə kitabçadan kiçik bir parçanı təqdim etmək istəyirəm. Bəlkə də çox tanış gələcək. Lakin, aldanmayın! Günümüzdəki Azərbaycandan yox, 1880 ci il Çar Rusiyasından bəhs edir:
“Şişirdilmiş təriflərə baxılarsa, bizdə hər şey var. Lakin, həqiqətdə heçnə yoxdur. Torpaqlarımızın zəngin olduğundan heç kim şübhə etmir. Ancaq bu torpaqların üstündə yaşayan insanlar çox möhtac haldadırlar.
İnsanlar, bu torpaqlarda çox az şey istehsal edirlər. Özlərinə lazım olan şeylərin böyük qismini başqa ölkələrdən satın alırlar. Xaricilərin istehsal etdiyi alətlərdən istifadə edirlər. Vətəndaşlarımız makinalar, qumaş, hazır paltar və ayaqqabı, şüşə, dərman, sabun, hər cins damazlıq heyvan, təmiz toxumluq buğda, hətta kağız, şam və boyama vasitələrini xarici ölkələrdən idxal edirlər. Nələri satın almırıq ki? Bir düşünün və nəyi satın almadığımızı siz söyləyin...
Bütün bunlara qarşılıq olaraq biz nə istehsal edirik? Çox az şey! Qələmdən, iynə - sapa və düyməyə qədər ən sadə şeyləri də idxal edirik. Əgər idxal etdiyimiz düymələr olmasaydı, şalvarımızı bağlaya bilməzdik! Xaricdə toxunan və tikilən dəsmallar olmasaydı, burnumuzu siləcək bir dəsmal tapa bilməyəcəkdik. İdxal edilən bıçaq, qaşıq və çəngəllər olmasaydı, süfrədə yemək yeyə bilməyəcəkdik...
Xülasə, “bunu biz istehsal etdik” deyə biləcəyimiz heç bir şeyimiz yoxdur! Ölkəmizə hər şey xaricdən idxal edilir. Həm də necə? Od qiymətinə deyilmi?
Bu şeylər çox bahalı olduğu üçün, pullarını nəğd ödəyə bilmir, hissəli ödəməylə alırıq. Nəticədə qiymətləri qat qat artır.
Ancaq biz yenə yersiz və şişirdilmiş öyünmələrə davam edirik: “Bizim ölkəmiz dünyanın ən zəngin ölkələrindən biridir”... Buna qarşılıq insanların necə bir həyat yaşadığına baxın...”
#7
Yerləşdirilmə tarixi: 18 yanvar 2018 - 16:17
“Ustalık Gerektiren Kafaya Takmama Sanatı”. Məşhur blogger Mark Mansonun öz həyat təcrübəsini paylaşdığı və fərdi inkişaf sahəsində yazılmış ən faydalı kitablardan biridir.
Bir çox dilə tərcümə edilmiş və çox sərbəst üslubda yazılmış bu əsərin əsas məğzi KRİTERİYALARDIR.
Həyatınız boyu verdiyiniz qərarlar üçün istifadə etdiyiniz kriteriyalar… Əgər kriteriyalarınız yanlış olarsa, verəcəyiniz qərarlar da yanlış olacaq və nəticədə ömrünüzü boş şeylərə zay edəcəksiniz. Bu prinsip həm Dini, həm Dünyəvi məsələlər üçün keçərlidir: Xarab tərəzidən doğru nəticə alınmaz!
İllərdir müsəlmanlar arasında təbliğ etdiyimiz "kriteriyaların doğru seçilməsi" prinsipi, kitabda Dünyəvi yöndən çox saylı misallarla dəstəklənib.
Rus dilində oxumağa üstünlük verənlər üçün kitabın bu dildə tərcüməsi də mövcuddur. Rus dilində bu şəkildə adlandırılıb: “Тонкое искусство пофигизма”.Amerikada ən çox satılan kitablardan biri olan bu əsər, bildiyim qədərilə hələ də ana dilimizə tərcümə edilməyib. Kitabı net üzərindən bu linkdən sifariş edə bilərsiniz.
#8
Yerləşdirilmə tarixi: 12 fevral 2018 - 18:31
Tıbbi Mucizeler – Tıp Tarihinden Yaşamı Değiştiren 100 Gelişme. (Medical Marvels: The 100 Greatest Advances in Medicine)
Eugene Straus və Alex Straus adlı iki müəllif tərəfindən qələmə alınmış bu kitab, Tibb elmi tarixindən, daha dəqiq desək Tibb sahəsində real həyatımıza təsiri böyük olan ciddi nailiyyətlərdən bəhs edir.
Peyvəndlər necə kəşf edildi? Çiçək xəstəliyinin kökü necə kəsildi? Uzun illər əyləncə vasitəsi olan Anastezik qazların Tibbdə istifadəsi necə və nə zaman baş vermişdir? DNA kodu necə çözüldü? Rentgen şüaları üzərindəki təcrübələr, Qədim Hindistanda plastik burun əməliyyatları, Tibbi təcrübələrin "qaranlıq əsrləri" və bu sahədəki Xristianlıq əngəli, ömrünü insanlığa xidmət üçün keçirmiş, həyatlarının böyük bir qismini laboratoriyalarda xərcləmiş elm adamlarının bir birindən maraqlı həyat hekayələri…
"Kiçik aləm" sayılan İnsan üzərindəki bu müşahidələr Yaradıcının qüdrətinə dəlalət etdiyi kimi, Onun kainata bir mənada səpələdiyi sirlərin aşkarlanması insanı möcizəvi şəkildə öz içində çəkir… Bu sirləri aşkarlayan siz olmasanız da, kaşiflərlə bərabər əziyyət çəkməsəniz də, sirləri çözmənin verdiyi həyacanda onlara ortaq olursunuz…
Ümumi dünyagörüşümüzü genişlədəcəyini düşündüyüm bu kitabı Türk və İngilis Dilində orijinal şəkliylə aşağıdakı linklərdən ala bilərsiniz:
#9
Yerləşdirilmə tarixi: 03 fevral 2020 - 21:51
Despotizmin Doğası – Koleliğin İflası. Abdur Rahman El Kevakibi.
On doqquzuncu əsrdə Suriyalı müsəlman mütəfəkkir Kəvakibi tərəfindən qələmə alınmış kitabın mövzusu despotluqdur. Daha dəqiq desək zalım hökümətlər və onların cəmiyyəti şikəst etməkdəki rolu...
Müəllif kitabda dövlət terrorundan, bu terrorun insanların dinini, mədəniyyətini, əxlaqını, maddiyatını, gəncliyini, təhsilini necə məhv etdiyindən bəhs edir.
Şərq xalqlarının dövlətə aşağıdan yuxarı baxmasının, öz haqqlarından xəbərsiz yaşamalarının onları necə bir zillətə düçar etdiyindən, bu prosesdə Quranı fərqli şəkillərdə açıqlayaraq insanları zülmə boyun əyməyə çağıran din xadimlərinin şeytani rolundan söz açır.
Bir sözlə kitab, dövlətlə vətəndaş arasında pozulmuş balansı düzəltmə, dövlətə yerini göstərmə məqsədilə yazılmış, Şərq xalqarının oyanışı üçün oxunması gərəkli olan önəmli əsərlərdəndir.
Kitab “Mana” yayınları tərəfindən nəşr edilib. Online sifarişi mümkündür.
Bu mövzunu oxuyan istifadəçi sayı: 13
0 İstifadəçi, 11 Qonaq, 0 Anonim
-
Facebook (2)