Əssəlamu Aleykum Və Rahmətullah
Dəyərli Muslih qardaş!
Günümüzdə Müsəlmanlar bir çox problemlərlə qarşılaşırlar. Qarşılaşdığımız bu problemlərdən biri də evlilik məsələsidir. Bir çoxlarımız cahiliyyə hayatı yaşamış və bəzilərimiz də cahiliyyədə evlənmişdir. Elə sualım da məhz bu mövu ilə bağlıdır. Bu mövzu aktual olduğu üçün haqqında bir bilgi sahibi olmaq da qaçınılmazdır.
1. Bir müsəlman kişi kafir qadınla (Əhli Kitab olmayan) evlənərsə bunun dinimizdə hökmü nədir? Həmçinin tam əksinə müsəlman bir qadının kafir bir kişiylə evlənməsinin hökmü nədir?
2. İki müsəlman ailə həyatı qurarsa və bir müddətdən sonra kişi hər hansısa bir səbəbdən dolayı dindən çıxarsa qadının üzərinə düşən ilk şey nə olmalıdır? Qadın ərinin kafir olduğunu anlayarsa əri ilə birlikdə yaşamasının hökmü nədir? Bu mövzu haqqında alimlərimiz nə buyurub?
Bəzi elmdən və ədəbdən məhrum olanların belə bir əmələ küfr dediyinə də şahid olmuşuq. Amma bizi bu məsələdə maraqlandıran belələrinin verdiyi batil hökmlər deyil əksinə ömrünü İslama xizmətlə keçirmiş Rabbani alimlərimizin bu haqdakı görüşüdür.
Uca Allah sizləri haqqa müvəffəq etsin. (Əmin)