Mövzuda Bir İsmarıc Var

[Bakuvi]

Əssəlamu Aleykum Və Rahmətullah

Dəyərli və Əziz Usuli qardaş! Hənəfilərdən Alləmə Bədruddin Əl Ayni (rahiməhullah) nüzul hədisinə verdiyi şərhdə təvil əhlinin hədis haqqındakı görüşünü belə izah edir:

 

Muəvvilə. Bu nassları yerinə görə uyğun olan mənaya təvil edərlər. "Allah enər" sözünü, Onun əmri və ya mələkləri enər mənasına təvil edərlər.

 

Dəyərli Usuli qardaş! Təvil əhlinin məhz bu cür təvil etməsi batil deyilmi? Çünki Nəbi (salləllahu aleyhi və səlləm) in "Rəbbiniz hər gecə dünya səmasına enər..." sözünü mələkləri enər deyə təvil etdiyində belə bir batil məna ortaya çıxır ki, Nəbi (salləllahu aleyhi və səlləm) mələklərə "Rəbbiniz" demiş. (Allah Azzə və Cəllə bizi bundan qorusun)

İnşə Allah bu mövzu haqqında tutarlı cavabınızı gözləyirəm. Uca Rəbbim sizi haqqa müvəffəq etsin (Əmin)

[Usuli]

Aleykumussalam və rahmətullahi və bərəkətuh!

1. Bunu sadəcə Ayni yox, yüzlərcə başqa alim əsrlər boyu bu cür nəql etmişlər.
2. İnsanın əhil olmadığı işə girişməsi, xüsusilədə o işdə başqalarını tənqid etməsi şərən və əqlən yanlışdır. Verdiyiniz sualdan bu işə əhil olmadığınız, hətta bu məsələylə bağlı təməlləri belə anlamadığınız aydın olur. Sizə ümumilikdə və xüsusilədə bu cür məsələlərə dalmamağı qəti olaraq tövsiyyə edərdim.
3. Ərəb dilində bu cür istifadə caizdir. Kralın ordusu gəldikdə "kral gəldi" deyilə bilər. Əhliyyətin yeri məhz belə nöqtələrdə bəlli olur. Əgər nüzul hədisinin şərhi haqda mövzunu oxusaydınız buna şahid olardınız.
4. Sələf nəslindən sayılan bir çox alimdən buna bənzər təvillər nəql edilmişdir.
5. Hafiz Əl Beyhəqi, Əhməd bin Hənbəldən bu hədisin şərhində "Allahın savabı enər" təvilini zikr etmişdir. Sizin yanaşdığınız şəkildə yanaşsaq Əhmədin "Rəbbiniz hər gecə dünya səmasına enər..." hədisini savabı enər deyə təvil etdiyində belə bir batil məna ortaya çıxır ki, Nəbi (salləllahu aleyhi və səlləm) savaba "Rəbbiniz" demişdir...
6. Hədisin bəzi ləfzləri "yənzilu – enər" yox, "yunzilu – endirər" şəklində varid olmuşdur ki, sözügedən təvili gücləndirir. Tövfiq Allahdandır.
7. Çox ümid edirəm ki, bu hədisi Allahın fiziki mənada gördüyümüz dünya səmasına daxil olduğu şəklində anlamırsız...