Bu mövzudakı ismarıc sayı: 2

[Muslih]

بسم الله الرحمن الرحيم

Qış yuxusunda olan ümmətin ayılması üçün görüləcək işlər çoxdur. Bu da öz növbəsində ümmətdən mümkün qədər çox insanın maddi, texniki, bilgi və s. yöndəki dəstəklərilə mümkündür.
Müxtəlif sahələrdə irəliləyişin olması üçün bəzi layihələrin həyata keçirilməsinə ehtiyac vardır. Təbii ki, layihələr koordinasiya edilmədən gerçəkləşməz.
Bizlər müsəlmanların məsləhətinə xidmət edəcək bəzi layihələrdə təşkilatçılığı/koordinasiyanı öz üzərimizə götürərək bu işlərə öncülük etmək istədik.
Bu səbəblə əlimizdə olan layihələri sizlərə təqdim edir və hamılıqla sorumlu olduğumuz bu dinin dirçəlişi üçün sizdən yardım tələb (!) edirik. Bu din bir neçə adamın deyil, hamımızındır. Elə isə hər birimiz öz gücü və imkanları nisbətində olmaqla, ona qarşı olan vəzifələrimizi yerinə yetirək.
Hər hansı bir layihəni, maddi, texniki və s. şəkildə dəstəkləmək istəyənlər, faydalı layihələr təqdim edəcək olanlar forum moderatorlarıyla şəxsi ismarıc vasitəsilə əlaqə qura bilərlər.

[Muslih]

Layihə - 1. Kitabların virtual aləmə daşınması.

Ərəb dilində kitablarla məşğul olanlar bilirlər ki, lazımlı bir çox əqidə kitabı elektron formatda mövcud deyil. Bu da axtarış və araşdırmalarda onların gözdən qaçırılmasına və ümmətin bu dəyərli irsinin itirilməsinə səbəb olur.
Hal hazırda zəruri məlumatları ihtiva edən yüzə yaxın əqidə kitabı tozlu rəflərdə sahib çıxılaraq elektron sahəyə dövr edilməyi və bir neçə nəfərə yox? ümmətə faydalı olmağı gözləyir. Onlar səbrsizliklə öz növbələrini gözləməkdəykən, elektron kitab sahəsi safehliklərlə dolu olan müxtəlif  "əqidə" kitablarıyla dolub daşmaqdadır və bunda hər birimizin mənfi mənada payı vardır...
Ümumilikdə planladığımız  bu layihə bir neçə mərhələdən ibarətdir. Kitabın əllə word programında yığılması, mətbuya müvafiq olacaq şəkildə Şamilə proqramında istifadə üçün hazırlanması, son olaraq net aləmində məşhur ərəb saytlarında tanıdılması. Yaxudda skanerdən keçirilərək PDF formatında yayınlanması.
Bütün bunlarsa əmək tələb edir və bu işlə məşğul olan qardaşlara ücrət ödəyərək bir çox kitabın bizim üçün qalıcı sədəqə olacaq şəkildə elektron formata keçirilməsinə yardımçı ola bilmə fürsətimiz vardır.

Bu layihə iki hissədən ibarətdir:
1. Kitabların Şamilə proqramında istifadə ediləcək şəkildə yığılıb netdə paylaşılması. Örnək üçün bu linkə baxıla bilər. İşin maliyəti: Hal hazırda bu işi ərəbcə kitab səhifələri etibara alınmaqla səhifəsi 1 $ müqabilində yığdırma imkanlarımız vardır.

2. Kitabların skanerdən keçirilərək rəsm olaraq PDF formatında netdə paylaşılması. Örnək üçün bu linkə baxıla bilər. Hal hazırda bu sahədə işləmək üçün texnik bazanın olmaması səbəbilə ücrət təyin edə bilmirik. Lakin bu fonda texnik baza üçün yetərli məbləğ daxil olması halında ücrət təyin ediləcək.

Qeyd: Hal hazırda İmam Əbu Hənifənin əqidə barədə yazdığı beş risaləsi və Həkim Əs Səmərqəndinin "Əs Səvədul Azam alə Məzhəbil İmamil Azam" adlı kitabı word programında yığılmışdır. Redaktə, convert mərhələlərini keçdikdən sonra, net aləmində ilk dəfə Şamilə programında istifadəyə yararlı şəkildə ümmətə təqdim ediləcək. Tövfiq Allahdandır.

[Muslih]

Layihə - 2. Kitabların tərcümə və nəşri.

Ölkəmizdə İslami kitabların qıtlığı müsəlmanların real problemlərindən biridir. Bu problemi qismən də olsa həll etmək üçün yeni bir layihə təqdim etmək istəyirik.
Layihə zəruri kitabların dilimizə tərcümə edilərək, həm kitab şəklində, həmdə net aləmində yayılmasıdır. Təbii ki, bu işlə məşğul olan kitab tərcüməçilərinə, kitabın nəşrinə müəyyən miqdarda maddi vəsaitlər lazımdır.
Bunun üçün "Tərcümə fondu" təsis edilmişdir. Orada sizlərin yardımıyla müəyyən məbləğ toplandıqdan sonra işin növbəti mərhələlərinə keçiləcək. Hal hazırda tərcümə və ya nəşr qiymətləri haqqında dəqiq məlumatlar verə bilməsəkdə, növbəti mərhələlərə keçildikdə oxucularımızı bu barədə məlumatlandıracayıq.