Bu mövzudakı ismarıc sayı: 127

[Usuli]

Uca Allah öz kitabında insanların əksəriyyətinin salahdan uzaq və müxtəlif mənfi xüsusiyyətlər sahibi olduqlarını xəbər vermişdir.

Allahın kitabına görə insanların əksəriyyəti kafir, müşrik, fasiq, cahil, sapıq, qafil, yalançı, düşünməyən, heyvanlardan daha aşağı, haqqı sevməyən kimsələrdir.

Yəni bir tərəfdə Allahın sevdiyi azsaylı Salih qrup, digər tərəfdə Allahın buğz etdiyi çoxsaylı insanlar… Və bunlar arasında qaçınılmaz əbədi bir mübarizə!

Bəs çoxsaylı düşmən qarşısında Salihlərin üzərinə düşən nədir?

Əbədi mübarizədə say faktorunda zəif olan Salihlərə düşən, bu boşluğu digər güc ünsürlərilə doldurmaqdır: Sistemləşmək, camaatlaşmaq, birlik olmaq, mübarizə metodlarını təkmil etmək, qələbəyə aparan maddi güc, bilgi kimi digər vasitələri əldə etmək… Düşməni çox olanın mübarizəsi daha çətin, işi daha çoxdur.

Bu mübarizəyə var gücüylə hazırlaşmayan məğlub olar… Bunun ən böyük şahidi tarixdir…

Yer üzündə tənbəllik etmə haqqına ən son sahib olacaq kimsələr Salihlərdir…
 

[Muslih]

Müasir sufi topluluqları öz liderlərini sorğulama mövzusunda o qədər çəkingən və qıt düşüncəlidirlər ki, onların və eyni zamanda ümmətin maddi sərvətlərini zəli kimi əmən o liderlər öz kirli pullarını ört basdır etmək üçün yeni yalanlar uydurmağa belə gərək duymur, daha öncəki şəxsiyyətsizlərin "atamnan fabrik qalmışdı" kimi bəsit fırıldaqlarını qalxan kimi istifadə edə bilirlər.

Və bu zəlilər öz məsləklərində o qədər ustalaşıblar ki, soruğulayan toplumlara zahid görkəmində köhnə paltarla, ictimai nəqliyyatla gələrkən, İstanbulda sürdükləri avtomobillərin ən düşüyü "Porsche Cayenne"dir...

Görəsən yer üzündə mənəvi və maddi sərvətləri bu qədər asanlıqla soyulan ikinci bir zəlil topluluq varmı? Dostunu düşmənindən seçə bilməyən toplumdan daha səfeh kim ola bilər?

Sələfiliklə mübarizəyə ayrılmış bu qədər pullara rağmən, niyə bir addım belə qət edilməyib? Bu mübarizədə ən kiçik büdcəylə belə qət etdiyimiz məsafə ortadaykən, milyon dollarlıq layihələrin meyvələri hardadır?

Cavab çox sadədir: Çünki, bu pullar təyinatı üzrə deyil, birilərinə luks maşınlar və villalar almağa xərclənir. Batilin yayılmasına ən çox yardım edənlər, kürsidə mübarizədən bəhs edən, daha sonra mübarizə üçün ayrılmış pulları saxta raportlar yazaraq yeyən kimsələrdir. Ən böyük düşmənlərimiz içimizdədir... Allahın lənəti onların üzərinə olsun!
 

[Usuli]

Günümüz Müsəlmanlarında müşahidə etdiyim bir tendensiya vardır. Onların bir çoxu düşdüyümüz bu zillətdən çıxışın bir nəfərə bağlı olduğunu düşünür və həyatları boyu o kimsəni axtarıb “əlini öpməyə”, kölgəsində gizləməyə çalışırlar.

Adətən bu "qurtarıcı" markalaşmış insanlardan olur. Sanki bu adamın varlığıyla axşam yatıb səhər durduqları zaman artıq İslam dövlətinə sahib olacaqlar. Bir mənada sehrli bir formul aranır.

 

Həqiqətdə isə bu davranış sadəcə öz tənbəllik və cəhalətlərini ört basdır etmək üçündür. Marka olmuş hocaların bir çoxunun danışdığı şeylər boğazdan aşağı keçməz. Onlar heç vaxt mübarizə sahəsinə enib risk almazlar... Onların içində İslami mücadilə mövzusuna yüzdən artıq kitab yazmış, ancaq realda mübarizədən və haqqı söyləməkdən ən uzaq kimsələr belə gördüm... Azınlıqda qalan digər bir qismi isə, çox az şeylərə qadirdir.

Savaş sahəsi minlərcə savaşçıya möhtackən, bu insanlar hər şeyin bir hoca tərəfindən həll ediləcəyini düşünərlər.

 

Xeyr! Bu ümmət sahəyə enmədikcə, hər müsəlman bir işin qulpundan tutmadıqca quru hoca “sevgilərilə” bir tərəfə varılmaz!

Ümmətin qurtuluşu Bakıdan İstanbula gəlib, kiminsə əlini öpüb geri getməkdə deyil. Bu din qurbanlar verərək, dişlə dırnaqla yüksəldi. Yenidən yüksəlişi də ancaq bu yolla ola bilər.

Nə özünüzü nə də Ümməti aldatmayın! Xülyalara qapılmayın! Ya əsl Müsəlman kimi qollarınızı çirmələyib sahəyə enin ya da tənbəlliyinizi qəbul edib bir kənara çəkilin... Çalışanların ayaqlarına dolaşmayın!

[Usuli]

Bəzi adamlar var ki: köpəkdən daha aşağı olduqları üçün yedikləri qaba tualet ehtiyaclarını dəf edərlər.

Bu cür "insanlar" iki qisimdir. Bir daha o qaba ehtiyac duymayacaq kimsələr və irəlidə möhtac olacaqlar...

İkinci qisimdəkilər daha ehtiyatlı olmalıdırlar. Çünki onlara eyni qabda yenidən yemək verildikdə kimsə o qabı təmizləməyəcək...

[Usuli]

İslam əhli üçün, Peyğəmbərin zovcəsinə zina iftirası atan, bir neçə il bütlərinə toxunulmaması şərtilə İslama girməyi təklif edən, Bilalın Kəbə üzərinə çıxıb azan verməsini duyunca kaş bu eşşəyin orada anqırdığını eşitməsəydim deyən, Peyğəmbərin arxasınca gəzib qaş göz işarəsilə onu ələ salan və bənzəri pisliklərə səhabə adı verib, bu adı daşıyan hər kəsi adil elan edib, Allah razı olsun deməkdən daha alçaldıcı nə var?

[Usuli]

Fəqihlərimiz müsəlman qadının kafirlə evlənməsini qadağan ediblər. Bu qadağanın hikməti isə belədir ki, qadın təsir altına düşən zəif məxluqdu. Ərinin təsiri altına düşüb İslamdan uzaqlaşar.

Günümüzdə isə durum tam əksinə dəyişib. İndi ailələrdə, "pozitiv ayrımcılıq" və başqa saçma qanunların nəticəsində hegemonluq qadının əlinə keçdi. Bir sözlə, de facto ailə başçısı qadındır. Təsir altında qalanlar isə kişilərdir.

Yəqinki fəqihlər bu halı görsəydilər, əhkamı əksinə dəyişib, müsəlman qadın kafirlə evlənə bilər, ancaq müsəlman kişi kafir qadın ala bilməz deyərdilər...

[Usuli]

Yaşı otuzun üzərində olanlar xatırlayar... Sovetlər dönəmində çəkilmiş bir cizgi filmi vardı... Münəccimin şagirdi

Münəccim və şagirdi səyahət edirlər. Bir şəhərə gəlib çıxırlar. Giriş ücrəti bir qapazdır...

Münəccim şagirdini şəhəri öyənməsi üçün göndərir. Şagird şəhərə daxil olur. Gəzir dolaşır və görür ki, şəhərdə hər şeyin ücrəti bir qapazdır. Başına qapaz vurdura vurdura bir çox şey alır. Nəhayət bir qapaza böyük bir ev də əldə edir və bu dəm dəsgahı buraxıb münəccimin yanına geri dönməkdən vaz keçir.

Bir gün həyətə oğru girir. Şagird oğrunu qovalarkən, oğru hasardan düşür və ayağı qırılır.

Məhkəmə qurulur... Oğrunun ayağını qırdığı üçün şagird asılmağa məhkum edilir. Şagird deyir ki, bənna bu hasarı uca etməsəydi oğru yıxılmazdı. Bənnanı gətirirlər. Bənna deyir: əgər zərgər gözəl qolbağı düzəltməsəydi, məndə küçədən keçən qadının qolundakı bilərziyə dalıb hasarı belə ucaltmazdım. Zərgərin asılmasına qərar verilir. Lakin zərgərin başı kiçik, boynu qalındır. Onu asmaq olmur...

Ancaq kimsə asılmalıdır ki, xalq ədalət olduğunu görsün. Başı asılmağa ən uyğun olan adam şagirdmiş... Asılsın! Bu vaxt münəccim gəlir və deyir. Mən münəcciməm! Göylər şahı vəfat edib. İlk öləcək şəxs bir qapaza onun yerini tutacaq. Şah şagirdi ipdən endirib özü çıxır...

 

Mən deyərdim ki, müsəlmanların halını bu cizgi filmindən daha gözəl əks etdirən bir şey yoxdur.

Həqiqi dini dəyərlərimizi itirdiyimiz üçün, aramızdakı bütün münasibətlər bir qapaz üzərinə qurulub...

Toplum dostunu düşmənindən seçəcək dəyərləri itirdiyi üçün suçlular yox, boynu ipə münasib gələnlər asılır...

Haqqı batildən ayıra bilmədiyi üçün oğru yox, ev sahibi edam edilir...

Hörmət göstəriləcək kimsələr aşağılanır, aşağılanacaq kəslər ucaldılır. Bidətçilər yuxarı başa keçirilir, haqq əhli məclislərdən qovulur... 
 

[Usuli]

Sələfilərin çoxsaylı ziddiyyətlərindən biridə təqlid məsələsindədir. Fiqhdə təqlidi şiddətlə rədd edən, az qala şirk sayan bu firqə, Etiqadda təqlidi din əsası halına gətirmiş və etiqadını təqlid üzərində qurmaqdan imtina edən ağıl sahiblərini şiddətlə qınamaqdadır.

Halbuki əgər təqlid təhlükəli bir şeydirsə, Etiqadda təqlid edənin zərəri Fiqhdə təqlid edəndən qat qat çoxdur... 

[Muslih]

 Quran və Sünnəyə münasibətdə insanların fikirləri müxtəlifdir. Onları üç qrupda toplaya bilərik:

 

1. Quranı və əsl etibarı ilə Sünnəti qəbul edənlər.

2. Quranilər. Sünnəti kökdən rədd edib, sadəcə Qurana sarılmağa çağıranlar.

3. Sünnətilər. Bu firqə Quranı əsl etibarıyla rədd etməsə də, təcrübədə ən zəif, problemli, dinin təməllərinə zidd rəvayətləri belə Qurandan önə keçirərək, onu tərk edər. Əslində Sünnətilərlə, Quranilər arasında ciddi bir bənzərlik vardır. Biri Sünnəti, digəri təcrübədə Quranı tərk etmişdir. Və məncə tərk etdikləri şeylər baxımından Sünnətilərin halı Quranilərdən daha pisdir...

[Usuli]

Üzərlərinə İslam dövləti qurmanın fərz olduğu günümüz Müsəlmanları dövlət qurmaq bir tərəfə, qurulu bir dövləti ən qısa zamanda yıxa biləcək kimsələrdir...

[Abdul Hakim]

"Ziddiyyətli sələfi fəhmi" silsiləsindən.
 

Sələfilərin necə ikili standart yürütdüklərini iki misalla vermək istəyirəm.

 

 

Beləki, Allahın zatı sifətləri haqqında söhbət düşdüyü zaman, “Cariyə hədisinin” zahirinə sarılan qardaşlarımız, “Nəcd hədisi” gəldiyi zaman isə, min bir oyun və hiylə ilə, həmin hədisin şərhlərini təqdim edərək, hədisdə “Nəcdin” yox başa yerin qeyd olunduğunu isbat etməyə çalışırlar.

 

 

“Namazda topuqların birləşdirilməsi” haqqında gələn hədislərin zahirinə sarılaraq, mütləq şəkildə topuqların birləşdirilməsinin lazım olduğunu qeyd edirlər.  Amma biz  onların “Şeyxlərinin” kitablarından sitatlar gətirəndə min oyun sərgiləyib, ” siz onu düzgün anlamamısız, şeyxin qəsdi budur, sələfin fəhmi ilə anlamaq lazımdır ” deyirlər. 

[Abdul Hakim]

“Ziddiyyətli sələfi fəhmi” silsiləsindən daha bir örnək

 

“Alimə dil uzatma” hiyləsi.

Yəqin ki bu kəlmə çoxunuza tanış gəlir. Bəli ! bu kəlmənin ən güclü istifadəçiləri, həmişə olduğu kimi sələfilərdir. Sələfilərlə söhbət zamanı ən çox baş vurduqları  hiylələrdən biridir. Daha doğrusu mən bunu “təkərə düşdün? Narahat olma, bu sehirli kəlməni işlət və qurtul” deyə adlandırmağı daha münasib görərdim. Hansı mövzuda, harda söhbət etməyindən aslı olmayaraq bu “sehirli kəlmə” səni istənilən vəziyyətdən çıxara bilər.

Bu sehirli kəlmənin ən çox işləmə arealını təqdim etmək istiyərdim. 

 

Şeyxlərindən gətirdiyin sitatlar onun əleyhinə olur və bu “Sehirli kəlmə” işə düşür. Bəli,  mövzu dəyişir.

“Şeyxini” tənqid edirsən, “Alimə dil uzatma” .

 

“Şeyxləri” bir –birini tənqid edir, sən bunu ona göstərirsən, “Alimə dil uzatma” deyilir.

 

 Şeyxinin biri digərinə “Eşşək” deyir, sən bunu ona göstərirsən, ama günahkar sən olursan, bəli “Alimə dil uzadırsan” deyib məsələdən rahat bir şəkildə çıxırlar.

Heç kim bu sualı vermir. Axı bu “Alimə dil uzatmaq” nə deməkdir? Həqiqi mənada “Alimə dil uzatmaq” nədir?   Biri çıxsın bunu açıqlasın görək. Təbii ki bunu açıqlamasını heç sələfilərdə verə bilməz. Mücərrəd bir kəlmənin açıqlaması necə verilsin axı?  Qulaqdan-qulağa deformasiya olmuş bir kəlmənin açıqlaması necə ola bilər axı? Açıqlamasını verə bilmədikləri sözləri tez-tez işlətmələri, həmin toplumun əqli tarazlığının pozulmasından xəbər verir.

Qeyd: Hər şeyi zahiri üzrə anlayan sələfi qardaşlarımız, bəlkə bu kəlmənin də zahirini qəsd edirlər? Maraqlıdı.

[Usuli]

Əhli Kölgə

 

Allah kimin bəsirətini genişləndirərsə, başqalarının görmədiyini görər... İslam toplumunda insanlar müxtəlifdir. Bəziləri İslami çalışmalardan uzaq durarlar. Digərləri həm öz yerlərinə, həmdə tənbəllərin yerinə çalışarlar... Ancaq ortada batiniylə zahiri uymayan başqa bir qrup daha vardır. Çalışanların kölgəsində gizlənənlər...

Kölgə əhlinin metodları müxtəlifdir. Ancaq prinsip etibarıyla özləri çalışmadıqları halda, toplum içində sayqı görmək üçün çalışanların kölgəsində yaşayarlar. Məsələn onlardan birinin filan hoca ömrünün bu yolda verib, kitab oxumaqdan gözlərinin ağı gedib, filan şeyx hər gecəni sabaha qədər ibadətlə keçirir, filan mücahid filan işlərlə məşğuldur kimi ifadələrə ağırlıq verdiklərini görə bilərsiniz.

Məqsəd bu hadisələri nəql edərkən ortaya çıxan hörmət və sevgi atmosferindən faydalanmaq, birilərinin əməyinə ortaq olmaqdan başqa bir şey deyil. Mən kimlərinsə xidmətlərinin anlatılmasına qarşı deyiləm. Ancaq bu insanların həyat prinsipi məhz bu kimi şeylər üzərində qurulub. Belələrini, mücərrəd olaraq kimisə tərifləyəndən seçmək çox asandır...

Layiq olmadığı mərtəbəyə kölgələrdə gizlənərək qalxmağa çalışan bu tiplərə qarşı diqqətli olmamız gərəklidir. Layiq olmadan ucaltdığım hər kəs, layiqli bir adamın yerini işğal edərək ucalmışdır. 
 

[Usuli]

Sözə sahibinə görə dəyər vermək xəstəliyi

 

İslam ümmətinin düçar olduğu bəlalardan biridə fikirlərə sahibinə görə dəyər verməkdir.

Bir çox müsəlmanın yanında boş bir fikir səsləndirib ardından bu sözü hansısa nüfuz sahibinə isnad etsəniz, o söz hikmətmiş kimi qəbul edilər.

Lakin bunun əksinə ortaya ağıllı bir fikir atsanız, fikrə yox sizin kimliyinizə baxarlar və qəbul edilməzsiniz. Halbuki tam əksinə sahibinə dediyi sözə, ortaya atdığı fikrə görə dəyər verilməlidir. Sahibi sözlə dəyər qazanar, söz sahibiylə deyil!

Bəlkə də bu yanaşma görüşləri analizdə tənbəllik etməyin məhsuludur.

Sözsüz ki, belə bir yanaşma gözəl fikirlərin zay edilməsinə, zay fikirlərin yayılmasına və nəticədə İslam toplumunun zərər görməsinə, batil və cəfəngiyyatın möhkəmlənməsinə səbəb olur.

[Usuli]

"Haqqını Halal Et" sığortası

 

Bir çox millətdən insanlarla qarşılaşmışam. Onların hər birinin İslam anlayışında, əxlaqında mütləq milli mentalitetlərinin izi hiss olunur.

İddəti bitmədən zorla ərə verilən qadın misalı son iki yüz il ərzində dəfələrlə əl dəyişdirmiş bir milli mentalitetimiz vardır... və ölkə müsəlmanları bu əldən ələ keçən mentalitetdən öz nəsiblərini alıblar...

Bu qısa mülahizədə mentalitetimizin kiçik bir mirasına toxunmaq istəyirəm... Qarşıdakının yumşaqlığından istifadə etmək...

 

Yəqinki hər biriniz bunun qarşılaşmısınız. Müsəlmanlara aid bir çayxanaya gedərsiniz, çay sifariş verib gözləyərsiniz... Çay gələr... stəkanların sayı əskik olar... xahiş minnətlə bu problemi həll edərsiz... içib bitirdikdən sonra limon gətirilər. Və bu demək olar ki, günlük olaraq təkrarlanar. Etiraz etdikdə isə növbətçi sığorta sistemi dövrəyə girər "qardaş haqqını halal elə"... Eləyərsiz... Növbəti dəfə bütün prosedur olduğu kimi başdan başlayar və halallaşmayla bitər...

Yanınıza müsəlman bir işçi götürərsiz, mütəmadi olaraq işə gecikər və növbətçi sığorta "haqqını halal elə"...

Evə müsəlman bir usta gələr, işini ciddi əskiklərlə görər, sonda etiraz bildirərsiz... qardaş haqqını...

Bir elm tələbəsiylə (!) görüşə gedərsən... görüş yerinə 3 saat gecikməylə gələr və narazılıq ifadə etsən, qardaş haqqını...

Biriylə əmanət pul göndərərsən... altı ay sonra borc sahibi səndən pulunu istədikdə göndərdiyini bildirərsən... ancaq ona heçnə çatmayıb... qardaş sənə altı ay öncə əmanət vermişdik... düzdür haqqını ...

Bəlkə bir çoxunuza inandırıcı gəlməz. Ancaq bu sığortadan əziyyət çəkən qardaşlardan biri mənə öz başına gələn bir əhvalat danışdı. Suriyanın müəyyən məntəqəsində ailəsi və qonaqlarının olduğu bir avtomobillə mücahidlərin qurduğu postdan keçir... Postda saxlayıb yoxlayırlar, hər şey normaldır. Adama yaxşı yol arzulayıb yoluna davam etməsi söylənir... daha on metrə uzaqlaşmadan maşını güllə boran edirlər... Qardaş şok halında maşından düşür və eşitdiyi cavab: Haqqını halal elə yanlışlıqla oldu...

 

Bu sığorta xəstəliyinin yayılmaması, halallaşmanın sui istifadə edilməməsi üçün biz müsəlmanlar nə etməliyik? Təbii ki, bu xəstəliklə ciddi mübarizə aparılmalıdır...

Sizin yumşaqlığınızı istifadə edən bu insanlara öncə xəbərdarlıq etmək, daha sonra sərt şəkildə etiraz etmək, buda fayda etməzsə haqqınızı halal etmədiyinizi açıq şəkildə bildirmək lazımdır. Çünki bizim ona verdiyimiz hər halallıq onun məsuliyyətsizliyini, xəstəliyini dahada artırır...

Haqqımızı belə məsuliyyətsizlərə halal etməməklə əslində ona yardım etmiş oluruq... Lakin müalicə metodlarındakı tədriciliyə diqqət etməyi unutmayın!
 

[Usuli]

Yeriməyi öyrətdikdən sonra, ilk yürüyüş təcrübəsini üzərimdən yeriyib keçməklə qazanmaq istəyən o qədər "insan" gördüm ki, artıq "sənin yaxşılığını necə ödəyəcəyimi bilmirəm" deyənlərə, "pislik etməmən yetər" deyəsim var!

[Usuli]

Qardaşlıq Səmimiyyətindən "Bədəvilik Mədəniyyətinə"

 

Sosyal şəbəkə və ya şəxsi ünsiyyət vasitələri kanalıyla bir çox insanla yazışası oluruq. Bəzən yazan qardaşlar salamdan başlayıb, hal əhvaldan çıxarlar. Sonra da sağollaşıb gedərlər.
Lakin siz kimlə danışdığınızı belə bilməzsiniz. Çünki, söhbətin əvvəlində kimsə özünü təqdim etmə zəhmətinə qatlanmaq istəmir. Xüsusi olaraq sizinlə belə dərindən maraqlanan şəxsə "kimdi?" demədiyiniz müddətcə bu belə davam edir.

Möhtərəm müsəlmanlar! Ümumi insani və İslami ədəb - əxlaq qaydaları mövcuddur və bunlar riayət edilmək üçündür. Bu qaydalardan biri də, sizi tanımayan şəxslə ünsiyyət qurduqda özünüzü təqdim etmənizdir. Salam, mən filankəsəm, filan işə görə narahat edirəm, əgər uyğundursa...

Qardaşlıq səmimiyyətini "bədəvilik mədəniyyətini" yayma vəsiləsi etməyək!

[Muslih]

İŞİD in cəzb etmə gücü

 

İslam dünyasında baş verən hadisələri diqqətlə izləyən kimsə asanlıqla aşağıdakı tablonu görə bilər: İŞİD bir maqnit kimi, dünyanın hər tərəfindəki pislikləri özünə çəkir.

İslam dünyasının harasında narkotik alverçisi, reket və oğurluq əhli kimsələr varsa, dərhal İŞİD ə beyət edib, yerli müsəlmanlara, xüsusilə cihadi qruplara qan uddurmağa başlayırlar...

Ən böyük həyat hədəfi bərabər savaşdığı qardaşı vəfat edən kimi onun arvadıyla evlənmək olan bu şəxsiyyət xədimlərinin fəaliyyətlərinə baxın... Qafqazda 10 illik bir cihad hərəkatı olan Qafqaz Əmirliyini arxadan vurdular... Bir ildə iki lider ruslar tərəfindən müəmmalı şəkildə öldürüldü...

Xorasanda 1996 cı ildən bəri Allahın şəriətini hakim qılmaq üçün bütün dünyanı önünə alan Talibanı arxadan vurdular... Dünənə qədər Talibanı göylərə ucaldanlar, bu gün yardımçılarını dinamitlər üzərinə oturdub patlatdırlar...

İslam dünyası anlamalıdır ki, Sələfi əqidəsiylə şərəfsizliyin calağı olan bu nəcasət tamamən təmizlənmədikcə Ümmətə rahatlıq yoxdur!

İŞİD i dəstəkləyən uzunqulaqlar isə bu faktlara qarşı həmişəki kimi kar və kordurlar... Çünki apteklərdə satılan bəsit hamiləlik testləri belə onların haqqı təsbit etmə ölçülərindən daha tutarlıdır...
 

[Usuli]

Mahiyyətlərə Deyil İsimlərə Baxanlar

 

Bir şey haqqında qərar vermək istəyən onun isminə deyil mahiyyətinə/həqiqətinə baxar. Rüşvətə hörmət, Faizə kredit adı verməklə onun Allah qatındakı hökmü dəyişməz! Etibar isimlərə deyil, mahiyyətlərədir.

Lakin İslam əhlinin əksəriyyəti öz dəyərləndirmələrini sadəcə isimləndirmələr üzərinə qururlar. Hətta elm iddiasında olan bir çox cahil bu bəlaya mübtəladır...

Bu yanlış yanaşmanın ən gözəl örnəyi İŞİD dir... Nusra və digər qruplardan çox ciddi bir fərqi olmayan bu qruplaşma, adını dövlət və xilafət şəklində dəyişdirdi. Avtomatik olaraq xəlifəyə itaətin vacibliyi və digər qruplaşmaların fəshi məsələsi gündəmə gəldi... Xəlifəyə biət vacib, onun itaətindən çıxmaq haram oldu...

Halbuki özlərini isimləndirdikləri dövlət və xilafət təbirləri sadəcə quru adlardır. Mahiyyət və həqiqətdə onların digər qruplaşmalara bir üstünlüyü yoxdur.

Görünür kimlərsə ümmətin kriteriyalarındakı bu anormallığı fərq edib və onlarla anladıqları dildə, yəni "quru isimlərlə" danışmağa qərar verib...

Ümmət içində "isim mərkəzli baxış" nəzəriyyəsi mövcud olduqca, bu toplum Bağdadi kimi fürsətçilər tərəfindən idarə olunmaqdan qurtula bilməz.
 

[Usuli]

Müdafiə Hücumu

 

Dənizin sahilə atdığı Suriyalı uşaq cəsədinin rəsmi sosyal medyada sürətlə yayıldı. Bu rəsmi sıravi müsəlmanlar paylaşdığı kimi, öndər sayılan şəxslərdə paylaşdı. Şerlər, mərsiyələr, qəsidələr...

Bütün dünya ittiham edildi... Biz xaric hamının bu ölümlərdə əli varmış...

Əslində isə ölümdə əli olanların ilki elə bizik. Şəbəkədə rəsm paylaşma xaricində reallıqda heç bir İslami fəaliyyəti olmayan avam müsəlmanlar və öz maraqlarını Ümmətin maraqları önünə keçirdiyi üçün ən kiçik İslami çalışmalardan qaçan, məsçid künclərində, mədrəsələrdə ay sonu alacağı maaşı gözləməkdən başqa dərdi olmayan dəvəquşu sinfindən "öndərlər", "elm tələbələri", "şeyxlərdir" ...

Uşağın ölümünə səbəb olanları axtarırıqsa, qatillərin üzünə tüpürmək üçün tələsiriksə bunu edə biləcəyimiz tək yer güzgü önüdür... Əslində bütün dünyanın üzünə tüpürmə şövqümüzün arxasında, öz üzümüzü tüpürülməkdən qoruma instinkti yatır... Bu bir müdafiə hücumudur...

Allahın yer üzündə xəlifəsi olduğunu iddia etdiyi halda, fərzlərin Avropalılar tərəfindən yerinə yetirilmədiyindən qəzəblənənlər, elə onlar qədər xəlifədirlər... "Allahın yer üzündəki xəlifəsi" adını daşıyan biz, Suriya qaçqınlarına kömək etməli olan Avropalılar...