No replies to this topic

[Usuli]

بسم الله الرحمن الرحيم

Daşınabilən HDD nədir?

Daşınabilən HDD – xarici HDD-dir. Bir sözlə üzərinizdə daşıya biləcəyiniz bir bilgi qaynağıdır.

 

DHHD – nin faydaları nələrdir?

DHDD demək olar ki, normal HDD nin bütün xüsusiyyətlərini özündə cəm edib. Əlavə olaraq, ən önəmli faydası daşına bilməsidir.
Yüngül olması səbəbilə sizə lazım olan məlumatı üzərinizdə istədiyiniz yerə apara və yanınızda şəxsi PC-niz olmadığı halda məlumatlardan faydalana bilərsiniz.
Həmçinin sizə lazım olan programlar var ki, bunlar PC-nizdə yüklü olur. Lakin başqa bir yerdə olduğunuz zaman bu programların yoxluğunu “hiss” edirsiniz. DHHD yə portable programlar yükləyərək bu problemi də ortadan qaldıra bilərsiniz.
Ayrıca hər kəs üçün itirilməsi “faciə” ola biləcək fayllar vardır. PC nizdəki məlumat hər hansı bir səbəbdən itdiyi zaman bu “faciəni” yaşamamaq üçün sözügedən faylları DHHD yə kopyalaya bilərsiniz. Təbii ki, bu kopyalamanı fayllar itmədən öncə etməniz lazımdır.))

 

Alacağımız DHHD hansı xüsusiyyətlərə sahib olmalıdır?

1. Diskin ölçüsü.

Bu “Hard Disc”lər iki ölçüdə olur:

a ) 2.5"
b ) 3.5"

2.5" olanların iki üstünlüyü, bir mənfi yönü var. Üstünlüyü ölçüsünün digərinə nisbətdə daha kiçik olması və işləməsi üçün ehtiyacı olan enerjini taxılı olduğu USB girişindən almasıdır ki, bu sizi əlavə adaptor və naqil daşıma təkəllüfündən azad edər.
Mənfi yönünə gəlincə bu qiymətidir. Demək olar ki 2.5" DHHD lər 3.5" ölçüdəkilərdən iki dəfə daha bahalıdır. Məsələn həcmi 500 gb olan 2.5" disk 100 dollara satılırsa, eyni qiymətə 1 tb həcmində lakin 3.5" ölçüdə disk ala bilərsiniz.

3.5" disklərə gəlincə bir üstünlüyü, iki mənfi yönü var. Üstünlüyü qiymətinin digərinə nisbətdə iki dəfə ucuz olmasıdır.
Mənfi yönlərinə gəlincə bu ölçüsünün nisbətdə böyüklüyü, enerji almaq üçün elektrik şəbəkəsinə, adaptora və əlavə naqilə ehtiyac duymasıdır.
Nəticə olaraq əgər maddi imkanlarınız əlverişlidirsə racih olan 2.5" ölçüdə disk almanızdır.

2. Diskin həcmi, yazma sürəti, keşi (cache) kimi texniki özəllikləri:

DHHD lər 100, 250, 360, 400, 500 gb, 1 tr və bənzəri həcmlərdə olur. Bu mövzuda nəzərə almanız gərəkən iki şey vardır: hansı həcmdə diskə ehtiyacınız olması və maddi imkanınız.
Həcmdə nə sizə lazım olandan az, nə də ehtiyacınızdan çox almamalısınız. Lakin, hal hazırki ehtiyacınızdan biraz daha böyük həcmli disk almanızda bir sıxıntı olmaz.
Yazma sürətlərinə gəlincə 4200, 5400, 7200 rpm və bənzəri ölçülərə sahibdirlər.
Keşləri (cache) isə 2, 8, 16 mb kimi ölçülərdə olur.
Maddi imkanlarınız uyğun olduğu müddətcə bu iki xüsusiyyətin mümkün qədər yüksək olmasına çalışın.
İDE yoxsa SATA olmasına gəlincə SATA2 olmasını tövsiyə edərdim

3. Ümumi tövsiyələr.

Alacağınız markanın bu sahədə mütəxəssis olmasına diqqət edin. Adətən, SAMSUNG, TOSHİBA və bənzəri ciddi firmaların məhsulları tanınmayan firmalara nisbətlə daha keyfiyyətli olur.

Aldığınız malın zəmanətinin uzunmüddətli və yaşadığınız ölkədə keçərli olmasına diqqət edin. Bu kimi mallarda zəmanət orta hesabla 2 və ya 3 il olur.

USB naqilinin keyfiyyətli olmasına diqqət edin. Bu naqilin həm kopyalama sürətinə, həm diskin enerji almasına, dolayısıyla diskin çalışmasına çox təsiri var. Keyfiyyətsiz USB naqili diskinizin yararsız hala gəlməsinə belə səbəb ola bilər.

Diskinizin içində ailə rəsmləri və bənzəri qismdən başqalarının görməsini istəmədiyiniz məlumatlar ola bilər. Diskin oğurlanması, itməsi və ya bənzəri hallarda məlumatların ələ keçməməsi üçün diskinizə girişdə xüsusi kod istəyəcək bir program quraraq bu təhlükədən qismən qurtulmuş olarsınız.

Həmçinin diski PC dən birbaşa çəkərək ayırmayın! Diski yalnız PC dən “güvənli ayırma” modunu təmin etdikdən sonra çıxarın. Əks halda disk “yana” bilər!