EHLITEVHID FORUM

EHLITEVHID FORUM http://www.ehlitevhid.com/forums/index.php Sun, 20 May 2012 21:26:37 -0400 100 <![CDATA[Qiyas Hüccətdirmi?]]> http://www.ehlitevhid.com/forums/index.php?showtopic=1983

بسم الله الرحمن الرحيم

Azərbaycanda məlum firqənin bətnindən törəyən cürbəcür zəlalət fikirli qruplar formalaşır. Bunlardan biridə, ağzından siqaret düşməyən avara bir türkün başçılıq etdiyi, Qiyası inkar edən "anti qiyas" adlandıra biləcəyimiz qruplaşmadır. Onların ağıl almaz iddialarından biri budur ki, dində qiyasla hökm edilməz. Hətta onlardan səfehliyin zirvəsini fəth etmiş bəzi cahillər bu barədə Allahın adına and içərək Ona böhtan atırlar.
Bu fikrin batilliyi günəş kimi aydındır. Onlara uzun uzun cavab vermək, Qurandan, Sünnətdən dəlillər sədr etmək mümkündür. Lakin problemin lokallığını nəzərə alaraq onlara sadəcə alimlərin icmasını zikr edərək cavab verəcəyik. Bu, inadı özünə məzhəb etmiş kimsələrə fayda verməsədə, Əhli Sünnətin görüşünə dəyər verən normal müsəlmanlar üçün bağlayıcıdır.
Qiyas Əhli Sünnət qatında hüccətdirmi?]]> Sat, 19 May 2012 12:16:37 -0400 http://www.ehlitevhid.com/forums/index.php?showtopic=1983 <![CDATA[Qeybi Bilmək]]> http://www.ehlitevhid.com/forums/index.php?showtopic=1981

بسم الله الرحمن الرحيم

Yanlış anlaşılan və bu səbəblə bir çox insanın haqsız təkfirə məruz qaldığı məsələlərdən biridə, Allahdan başqasının qeybdən xəbərdar olması məsləsidir.
Bəzi müsəlmanlar Qurani Kərimdəki ümumi ayələrə dayanaraq. Heç bir təfsilata getmədən qeyb bilgisi iddia edən hər kəsin kafir olduğuna hökm edirlər.
Qurani Kərimin bu haqda olan ayələrini iki qismə bölmək mükündür. Mütləq mənada qeybin Allaha aid olduğunun zikr edildiyi ayələr və Allahın öz elçilərinə qeybi bildirdiyinə dair olanlar.
Sünnətdəki dəlillər də eyni təqsimə tabedir. Allah Rəsulu ona "qeybdən xəbərdar" deyildiyi zaman etiraz etmiş, çox zaman isə özü qeybdən xəbərlər vermişdir.

Rəsulların, Allahın bildirməsiylə qeybi bildiyini yəqin ki, heç bir ağıl sahibi inkar etməz. Çünki, buna dəlalət edən açıq ayələr və hədislər çoxdur.
Misal üçün, ayədə zikr edilən İsanın – aleyhissəlam – insanlara evdəki ərzaqlarını xəbər verməsi, Yusufun – aleyhissəlam – həbsxanaya gətiriləcək yeməkləri öncədən bildirməsi, Nəbimizin – sallallahu aleyhi və alə alihi və səlləm – Bədrdə öldürüləcək kafirlərin düşəcəyi yerləri xəbər verməsi, Məkkəyə yazılmış gizli məktubu ifşa etməsi, irəlidə nəvəsi Hüseynin – kərrəməllahu vəchəh – öldürələcəyi yeri bilməsi və buna bənzər yüzlərlə örnək.
Bu mövzuda ancaq nassları cəm etməkdən aciz kimsələr tərəddüdə düşər.

Lakin ixtilafın qızğın olduğu və işin təkfirə qədər getdiyi digər nöqtə Allahın vəli qullarının, salihlərin ilham yoluyla qeybi bilib bilməyəcəyidir. Bəziləri ayələrin ümumu arxasında gizlənərək bunu küfr adlandırlar.
Bəs alimlərimizin bu haqda rəyləri nədir? Əhli Sünnət alimlərinə görə vəlilər, Allahın onlara ilham etməsiylə qeybi bilərmi?

Bu məqaləylə günümüzdə insanların malını haqsızlıqla yeyən, onlarla Allah arasına haqsızca soxulmuş, onları fərzlərdən qəsdli şəkildə uzaqlaşdıran saxta "vəliləri" müdafiə etmək məqsədi güdmürəm.
Məqsəd məsələ haqqında elm əhlinin görüşlərini təsbit etmək və düzgün etiqada sahib olmayan müsəlmanları bu mövzuda haqqa irşad etməkdir.
Müvəffəqiyyət ancaq Allahdandır.

]]> Fri, 18 May 2012 19:59:56 -0400 http://www.ehlitevhid.com/forums/index.php?showtopic=1981 <![CDATA[Öncə Dizlərmi Əllərmi?]]> http://www.ehlitevhid.com/forums/index.php?showtopic=1961

بسم الله الرحمن الرحيم

Namazda səcdəyə gedərkən öncə dizlər sonra əllərmi yerə qoyular? Yoxsa əksinə öncə əllər sonra dizlər?
Bu mövzunun əslində müsəlmanlar üçün öncəlikli məsələlərdən olmadığı aydındır. Lakin, mövzu zatı etibari ilə önəmli olmasada, dolayısıyla "önəm" qazanıb.
Beləki, öz "ictihadları"nı əsas alaraq bütün müsəlmanları qınamağı və incitməyi adət halına gətirmiş məlum firqə, bu məsələdə də müsəlmanları narahat edir, məscidlərdə onlara yanaşıb "öncə dizi yerə qoymanın bidət olduğunu" onlara başa salmağa çalışırlar...
Hansı hədisin daha səhih olduğunu və hansıyla əməl edilməsinin lüzumunu "izah" edirlər...
Məhz onların bu əsassız iddialarına cavab vermək və müsəlmanları onların hücumlarından müdafiə etmək üçün bu məsələni təhqiq edib, mövzudakı görüşlərə nəzər salaq.
Elm əhlinin əksəriyyəti bu iki görüşdən hansını tərcih ediblər? ]]> Mon, 14 May 2012 18:54:42 -0400 http://www.ehlitevhid.com/forums/index.php?showtopic=1961 <![CDATA[Həzrəti Adəm təvəssül edibmi?]]> http://www.ehlitevhid.com/forums/index.php?showtopic=1959 Hakimin "Müstədrək"ində, Hafiz Beyhakinin "Dəlailun Nübüvvə"sində, İmam Subkinin "Şifaus Sikam"ında görmək mümkündür. Vəhhabi "elm tələbələri"nin hədisi uydurma saydıqları məlumdur. Hətta Yaşar Qurbanovun Tövhid barədə dərsini dinləmişdim, səhv etmirəmsə 4-cü dərsi təvəssül və şəfaətə həsr etmişdi, orada bu hədisdən danışır, çoxdan uydurulduğunu deyir və ironik şəkildə gülür.

Bu hədisin sihhəti və alimlərimizin hədis haqqında dəyərləndirmələri nələrdir?

Bu hədis səhihdirsə, Rəsullahın doğumundan əvvəl onunla təvəssül etmənin caizliyini göstərirmi?]]> Sat, 12 May 2012 16:47:12 -0400 http://www.ehlitevhid.com/forums/index.php?showtopic=1959 <![CDATA[Saqqız Çeynəməyin Hökmü]]> http://www.ehlitevhid.com/forums/index.php?showtopic=1955

بسم الله الرحمن الرحيم

Hənəfi fiqh məcmuası olan "Əl Fətaval Hindiyyə"də bu haqda belə deyilir:

مَضْغُ العِلْك للنساء لا بأسَ به بلا خلافٍ , واُختلِف في مَضْغه للرجال , قال شمْس الأئمة الحَلْواني لا بأس به في حقِّ الرجال والنساء جميعاً إذا كان لغرَضٍ صحيحٍ هو الصحيح ,كذا في جواهرِ الأخْلاطي

"Qadınların saqqız çeynəməsində ixtilafsız olaraq bir bəis/problem yoxdur. Kişilərin saqqız çeynəməsi haqda ixtilaf edilmişdir.
Şəmsul Əimmə Əl Həlvəni belə demişdir: "Düzgün bir məqsəd üçün olduğu zaman, həm kişilərin həm qadınların çeynəməsində bir bəzi yoxdur."
Doğru görüş də budur. "Cəvəhirul Əxlati" adlı əsərdə də belədir."

Qaynaq: Nizamuddin Əl Bəlxi: Əl Fətaval Hindiyyə: 5/435
Beyrut: Darul Kutubil İlmiyyə:1421/2000

]]> Thu, 10 May 2012 11:36:43 -0400 http://www.ehlitevhid.com/forums/index.php?showtopic=1955 <![CDATA[Yalançılar Ensiklopediyası]]> http://www.ehlitevhid.com/forums/index.php?showtopic=1946

بسم الله الرحمن الرحيم

Mövzuya giriş və cərhin hədəfi

Cərh sözü (جرح) bir çox müsəlmana məlumdur. Bu termin əsasən Hədis elmində, rəvayətləri alınmayacaq kimsələrin isimləndirilməsi üçün istifadə edilir. Muhəddislərin bəzi kimsələri cərh etməkdəki məqsədi isə sözsüz ki, müqəddəs dinimizi təhriflərdən qorumaqdır.

Bu prosesə günümüzdə ehtiyac varmı?

Din təhrifçilərinin günümüzdə də mövcudiyyətlərini davam etdirdiklərini və hətta artırdıqlarını nəzərə alsaq, bu tədbirə günümüzdə də fərqli formalarda ehtiyac duyulduğunda şübhə qalmaz.
Hal hazırda təhriflər tərcümələrdə, mətnlərin montajında, əlavə və dəyişikliklərdə edilir və müsəlmanlar olaraq üzərimizə düşən bu cinayətə qarşı kompleks tədbirlər almaqdır.

Yalançı və təhrifçilərlə necə davranmalı?

Biz yuxarıda mövzunun hədəfinə işarə etdik – müqəddəs dinimizin təhrifdən qorunması.
Bizim müəyyən təhriflərə işarə edib onları düzəltməmiz bu mövzuda tam bir qoruma sayılmaz. Çünki, layiqli cəzalarını almayan bu zındıq din təhrifçiləri öz təhriflərini digər mövzularda etməyə davam edirlər.
Daha tutarlı nəticələr əldə etmək üçün, tədbirlər kompleksinə ehtiyac vardır.
Belə ki, təhrifləri isbat edilmiş bu insanların bütün tərcümələrinin keçərsiz, özlərinin isə bu ləkə səbəbilə etibarsız (məcruh) sayılmasına dəvət edirik. Beləcə bu din təhrifçilərinə maksimum zərbə vurularaq dinimizi qorumaqda əlimizdən gələni etmiş olarıq. Din təhrifçilərini bağışlamayaq! Onlara qarşı tələb edilən sərtliyi göstərək!
Beləcə qəlbləri xəstəlikdən ibarət olanlar da, bu təhrifin ifşası halında nə kimi mənfi nəticələr verəcəyini anlar və bu cərhdən qorxaraq bu kimi əməlləri etməkdən çəkinərlər.
Nəticə olaraq bu kompleks metod həm təhrifçilərin ifşa edilib etibarsız qılınmasını təmin edir, həmdə yeni təhrifçilərin ortaya çıxmasına mane olur.

Mövzunun sərhədləri

Bu mövzuda öz batillərini müdafiə məqsədilə edilmiş yanlış tərcümələr, açıq təhriflər, mətn montajları, dini mətnlərə əlavə və dəyişikliklər həmçinin bənzəri şeylər müzakirə ediləcək.
Bu səbəblə texniki xəta nəticələrini deyil, qəsdli təhrif olduğu düşünülən şeyləri təqdim etməyə çalışaq.
Həmçinin qeyd edəcəyimiz təhriflərin Azərbaycan oxucusuyla əlaqəsi olan - Azərbaycan, Türk, Rus - dillərində olmasına diqqət edək.

Mövzuda obyektivlik

Mövzuda obyektivliyin qorunması üçün, ərəb dilini bilən bütün iştirakçılardan ehtiyac olduqda, bizə qarşı öz etirazlarını açıq şəkildə dilə gətirmələrini rica edirik.

]]> Wed, 09 May 2012 10:25:08 -0400 http://www.ehlitevhid.com/forums/index.php?showtopic=1946 <![CDATA[Mushafa Dəstəmazsız Toxunmaq]]> http://www.ehlitevhid.com/forums/index.php?showtopic=1943

بسم الله الرحمن الرحيم

Azərbaycanda müsəlmanların 14 əsrlik elmi mirasını silib, onlardan başqa heç kimin sələfi və səhabəni anlamadığı fikrini təbliğ edən "sələfiyyə"nin sələfdən və elm əhlindən uzaq düşdüyü çoxsaylı məsələlərdən biridə Mushafa (Qurana) dəstəmazsız toxunmaq məsələsidir.
Bu firqə mənsubları ümmətə və onun imamlarına verdikləri "fiqh dərsində" deyirlər: "Siz yüz illərdir bu məsələni anlamamısınız. Əslində mushafa dəstəmazsız toxunmaq caizdir və "sələfin fəhmi" budur."
Bu mövzuda həqiqi müctəhidlərin, imamların və sələfin məzhəbi nədir?
Bu və əlaqəli məsələlərin cavabı üçün elm əhlinin kitablarına baş vuraq. Müvəffəqiyyət Allahdandır.

]]> Sun, 06 May 2012 08:58:03 -0400 http://www.ehlitevhid.com/forums/index.php?showtopic=1943 <![CDATA[Qadınların hicabı]]> http://www.ehlitevhid.com/forums/index.php?showtopic=1933 Öz əsərləri ilə ümmətə böyük xidmətlər etmiş Muhamməd Zahid əl-Kəvsəri "Makalat"da (səh:245-250) hicabla bağlı gözəl bir məqalə yazmışdır. Bu məqalə Muhammed YELKENCİ tərəfindən türkcəyə çevrilmişdir.

حجاب المرأة

]]> Wed, 02 May 2012 05:56:25 -0400 http://www.ehlitevhid.com/forums/index.php?showtopic=1933 <![CDATA[Ölüyə Quran oxumaq]]> http://www.ehlitevhid.com/forums/index.php?showtopic=1932 Azərbaycan kimi bir ölkənin cəmiyyətində Qurana münasibət və Quran oxumaqla bağlı müxtəlif yanlışların olduğu qaçınılmazdır. Bunun da obyektiv səbəbləri var. Bir əsrə yaxın materializm təbliğ olunan bir cəmiyyət hətta Quranı evinin bir küncündə saxlamışdısa, bu böyük nəticə idi. Bəziləri insanları Quranı yalnız ölüyə oxumaqla qınayırsa, gərək bu boşluq əsrində yayılan adətləri nəzərə alsın. Təbii ki, Allah təala Quranı dirilərə göndərmişdir. Bizə maraqlı olan cəhət isə Quran oxumağın savabının ölüyə çatıb-çatmamasıdır. Bu mövzu ilə bağlı Abdullah Sıddıq əl Ğumari kiçik bir risalə qələmə almış və müxtəlif alimlərin bu məsələ ilə bağlı fikirlərini qeyd etmişdir. Bu risalə AbdulMuhsin Muntakım tərəfindən türkcəyə çevrilmiş və "Guraba dergisi"ndə yayımlanmışdır.

Risâletü Tavdîhi’l-Beyân Li Vusûli Sevâbi’l-Kur’ân

]]> Tue, 01 May 2012 16:23:10 -0400 http://www.ehlitevhid.com/forums/index.php?showtopic=1932 <![CDATA[Qəbirlərin üzərinə qübbə tikmək]]> http://www.ehlitevhid.com/forums/index.php?showtopic=1931 Günümüzdə çox aktual olan mövzulardan biri də qəbirlər məsələsidir. Bu mövzuda bir qrup daha irəli gedərək qəbirlərin hətta itməsini üstün gördüyü halda, digərləri isə qəbirlər üzərində məqbərə və türbələrin tikilməsini uyğun görür. Bu mövzu barədə XX əsrin məşhur hədis alimi Ahməd Sıddık əl Ğumari bir risalə qələmə almışdır. Bu risalə AbdulFəttah Həsənoğlu tərəfindən türk dilinə tərcümə olunmuş və "Guraba dergisi"ndə yayımlanmışdır.

Gömülən(Və gizlənənlər)in ihyası

]]> Tue, 01 May 2012 16:09:49 -0400 http://www.ehlitevhid.com/forums/index.php?showtopic=1931 <![CDATA[Allah Hərəkət Edərmi?]]> http://www.ehlitevhid.com/forums/index.php?showtopic=1921

بسم الله الرحمن الرحيم

Müzakirəsinə ehtiyac duyulan mövzulardan biridə uca Allahın hərəkət edib etməməsi, yer dəyişməsi, intiqalı məsələsidir. Onun səmaya nüzulu, Qiyamət günü (zahirən gəliş mənasını verən) "məci"si hərəkət ifadə edirmi?
Bir sözlə uca Allaha hərəkət, yerdəyişmə nisbəti haqda alimlərimizin görüşləri nədən ibarətdir?
]]> Tue, 24 Apr 2012 14:54:28 -0400 http://www.ehlitevhid.com/forums/index.php?showtopic=1921 <![CDATA[Sifətləri Tərcümə Etmək]]> http://www.ehlitevhid.com/forums/index.php?showtopic=1919

بسم الله الرحمن الرحيم

Görüşlərin fərqllilik ərz etdiyi məsələlərdən biridə mütəşəbih sifətlərin ərəbcədən başqa dillərə tərcüməsinin hökmü məsələsidir. Demək olar ki, bu məsələ hər gün qarşılaşdığımız məsələlərdəndir.
Allahın izni və yardımı ilə bu barədə elm əhlindən bizə məlum olan görüşləri sizlərlə paylaşmağa çalışacağam. Tövfiq ancaq Allahdandır.
]]> Mon, 23 Apr 2012 02:00:47 -0400 http://www.ehlitevhid.com/forums/index.php?showtopic=1919 <![CDATA[Qüsurlarımızı Necə Öyrənək?]]> http://www.ehlitevhid.com/forums/index.php?showtopic=1917

بسم الله الرحمن الرحيم

Qüsur və günahlarımız Axirətdə əzaba düçar olmağımızın səbəbidir. Uca Allaha haqqıyla ibadət etmək və Axirət əzabından qurtulub səadətinə nail olmaq üçün bu qüsurlardan qurtulmalıyıq.
Qüsurlardan qurtulma prosesinin birinci mərhələsi onların təsbitidir. Çünki, təsbit edilməyən xəstəliklər müalicə edilə bilməz.
Bəs bu təsbit hansı metodlarla həyata keçirilməlidir?
Nəfs tərbiyəsi mövzusunda geniş elm sahibi olan İmam Əbu Həmid Əl Ğazali "Əl İhyə" adlı əsərində nəfsin qüsurlarını öyrənmək üçün dörd yol göstərir. Onları qısa şəkildə oxucularımızla paylaşmaq istərdik:

1. Mürşidə bağlanmaq. Mürşid, irşad edən və yol göstərəndir. Bununla qəsd edilən elmlərdə, xüsusilə nəfs tərbiyəsi elmində üstün mərtəbə əldə etmiş kimsələrə tabe olmaqdır. Beləcə onlar insana həm qüsurlarını, həm də müalicə yollarını öyrədərlər. Bu ən effektiv yollardan olsada İmam Ğazali, artıq belə kimsələrin qalmadığını ifadə edir. Onun zamanında belə "qəlb həkimləri" artıq qalmamışdısa, bizim zamanımızda olması ehtimalı çox uzaqdır. Sözdə bu işlə məşğul olan "mürşidlərin" lüks, israf, dünya sevgisi içində boğulduğu və özlərinin ciddi müalicəyə ehtiyacı olduğu bir həqiqətdir.

2. Dost və yaxınlardan qüsurlarımızı söyləmələrini istəmək. Bu da effektiv olma etibarilə ikinci metoddur. Ünsiyyətdə olduğumuz insanlardan, bizdə gördükləri mənfi əxlaq örnəklərini və qüsurlarımızı bizə bildirmələrini rica edib, bu yolla qüsurlarımızı öyrənmiş olarıq. Bu metod xüsusilə daha çox ünsiyyətdə olduğumuz kimsələrlə əlaqəli istifadə edilməlidir. Çünki, ünsiyyət artdıqca daha çox qüsurlarımız ortaya çıxır. Bu insanların öz ailəmiz, dostlarımız olması mümkündür. Bu metodda bir xüsusa diqqət etmək lazımdır: bizə qüsurlarımızı söylədikləri zaman onlara düşmən kimi baxıb mənfi münasibət bəsləməyək, əksinə bizə xəstəliyimizi söyləyərək bir mənada qurtuluşumuza vəsilə olan həkim kimi baxaq.

3. Düşmənlərimizin bizim haqqımızda dediklərini dəyərləndirmək. Sevgi insana sevdiyinin qüsurlarını görməyə və söyləməyə mane olduğu kimi, nifrət də insana düşmənin qüsurlarını tez aşkarlamağa və söyləməyə kömək edir. Bu təbii axarı dəyişə bilməsəkdə onu dəyərləndirə bilərik. Düşmənlərimizin haqqımızda dedikləri nöqtələrdə nəfsimizi bir daha ciddi müayinədən keçirər, qüsurlarımızı tapar və bu yolla düşmənimizdən belə fayda əldə edərik.

4. İnsanlarda gördüyümüz qüsurların özümüzdə də olub olmadığına baxmaq. Bir sözlə "ədəbi gözü çıxmış qardaşımızdan öyrənmək".

Allahın iznilə mən də bu metodlara bir metod əlavə edərək sayını beşə çıxarmaq istəyirəm. Əslində təklif etdiyim metod İmam Ğazalinin saydığı metodların demək olar ki, hamısını əhatə edən universal bir yoldur.
Acizanə təklif etdiyim yol, insanın bir siyahı tərtib edib mütəmadi olaraq o siyahıya görə özünü müxtəlif yönlərdən yoxlamasıdır.
Bu siyahının bir neçə qaynağı ola bilər.
1. Quran və Sünnətdə möminlərin əxlaqı olaraq zikr edilən şeylər və münafiqlərin əlamətləri.
2. İnsanın əql vasitəsilə anladığı insani əxlaq normaları.
3. İmam Ğazalinin təklif etdiyi metodlarla əldə edilən bilgilər.

Bir sözlə bu metod, istifadə edilə biləcək bütün informasiya qaynaqlarını tək koordinasiya mərkəzində cəmləyib, gələn məlumatları analiz edərək tələb ediləni həyata keçirmək, yəni qüsurları düzəltməkdən ibarətdir.
Təklif etdiyim metodun üstünlüklərindən biridə sadəcə zahiri qüsurları deyil, Allahdan başqa kimsənin bilmədiyi riya, həsəd kimi batini şeyləridə təsbitə imkan verməsidir. Bu metod insanın həkimə gedib ümumi müayinədən keçməsinə bənzəyir. Buna nə qədər də ehtiyacımız var...
Ancaq İmamın təklif etdiyi yolların da üstünlüklərindən biri, bizim metoda nisbətdə daha praktik və sadə şəkildə həyata keçirilə bilməsidir. Ən gözəl olan bu metodların hamısından imkan nisbətində istifadə etməkdir.
Rəbbim bizləri qüsurlarını idrak edib, onları düzəldənlərdən etsin.
]]> Sun, 22 Apr 2012 01:36:48 -0400 http://www.ehlitevhid.com/forums/index.php?showtopic=1917 <![CDATA[Tövhid və Şirk Tərifləri]]> http://www.ehlitevhid.com/forums/index.php?showtopic=1916

بسم الله الرحمن الرحيم

Tövhid və şirkin bilinməsi insana ən lazımlı bilgidir. Çünki, bütün əməllərimiz etiqadımızın üzərinə qurulub. Uca Allahın qəbul etdiyi iman, sadəcə öz istədiyi şəkildə edilən imandır. Etiqadımız doğru olmadığı zaman əməllərimiz də qəbul olmaz.
Tövhid və şirki alimlərin izah etdiyi kimi mənimsədiyimiz zaman, həm özümüz doğru bir etiqadda olar, həmdə gəlişi gözəl şəkildə insanları şirklə ittiham etməkdən çəkinərik. Beləcə hər iki faydanı əldə etmiş olarıq.

Günümüzdə buna olan ehtiyac iki ünsür səbəbilə daha şiddətlidir:
1. Ümumi olaraq digər elmlər kimi tövhid elminin də öyrənilməməsi.
2. Tövhid adı altında İslamın özündən uzaq və sağlam ağla müxalif kitabların aşıb daşması.

Bu ünsür bir mənada birincidən daha təhlükəlidir. Cahilliyini anlayan ondan qurtulmağa çalışar. Lakin, oxuduğu saxta tövhid kitablarıyla bu "elmin" zirvəsindən digər insanlara acıyaraq baxan bir "muvahhid"in öz cahilliyindən qurtulması imkansızdır. Çünki, o özünü toplumu sarmış cəhalətdən əziyyət çəkən bir xəstə yox, nadir insanların sahib olduğu "tövhid elmində"də mütəxəssis bir həkim zənn edər.
Bu günlərdə Misirdə illərdir tövhid elminə "yiyələnən" bir elm tələbəsinin zikr etdiyim şəkildə bir həkimlik örnəyinə dolayısıyla şahid oldum. Tövhidin incəliklərini öyrənib, vətənə dönərək oradakılarıda bu mövzuda yetişdirəcək olan bu "şeyx", haqqları halal etməyin şirk olduğunu ifadə edirdi. Hüccəti isə qarşısında durulmayacaq bir prinsip idi: Halal etmək Allaha məxsusdur...
Həkimi bu olan toplumun xəstəsini siz düşünün...

Hər şeydə olduğu kimi bu elmin də qaydalarla öyrənilməsi lazımdır. Çünki, əlimizdə tərəzi olmadan nəyisə doğru şəkildə çəkə bilmərik.
Bu tərəzi isə alimlərimizin təyin etdiyi qaydalardır. Tövhid və şirkin bir arada öyrənilməsi isə zənnimcə daha effektiv olar. Çünki, əşayalar ziddi bilindiyi zaman daha rahat anlaşılar.
Asanlıqla insanları şirklə ittiham edən kimsələrin bir çoxundan, o "şirki" tərif etməyi istəsəniz, sizə verəcəkləri ən geniş cavab "şirk Allahdan başqasından kömək istəməkdir" sözündən başqa bir şey olmayacaq... Çünki onlar, insanları hələ mahiyətini belə anlamadıqları şeylərdən müalicə etməyə çalışırlar...

Uca Allahın izni və yardımı ilə bu mövzuda tövhid, şirk, onların qisimləri, formalaşma yolları və bənzəri məsələlər haqqında alimlərdən bildiyimiz görüşləri nəql etməyə çalışacayıq. Müvəffəq edən yalnız Odur.
]]> Sun, 22 Apr 2012 00:16:46 -0400 http://www.ehlitevhid.com/forums/index.php?showtopic=1916 <![CDATA[Zati və Feli Sifətlərin Fərqi]]> http://www.ehlitevhid.com/forums/index.php?showtopic=1910

بسم الله الرحمن الرحيم

Əqidə kitablarımızda uca Allahın sifətləri haqda oxuyarkən onlarla əlaqəli cürbəcür terminlərə və qismləndirmələrə rast gəlirik. Bəzən bu terminlər və bölgülər bizim üçün anlaşılmazlıq əmələ gətirir. Halbuki, onların təsis məqsədi məhz anlayışı asanlaşdırmaqdır.
Bu qarışıqlığın səbəbi əsasən iki şeydir:

1. Sifətlər bölünərkən müxtəlif dəyərlər əsas alınaraq bölünür. Məsələn qullarla əlaqəsi olma baxımından, nəfy və isbat baxımından, qaynağının sadəcə xəbər olub olmaması baxımından, feli və zati olması baxımından. Ümumilikdə əsas alınan bu dəyərlər ona yaxındır. Bu qisimləndirmələr qarşısında qarışıqlığa düşməmək üçün sifətlərin bölünərkən müxtəlif əsaslara görə bölündüyünə və əlimizdəki təqsimatın hansı dəyərə əsasən edildiyinə baxmaq lazımdır.
2. Bölünmüş qruplara alimlər tərəfindən fərqli adlar verilməsi. Məsələn bəzi alimlərin "subuti" adlandırdığı sifətlər qrupunu həmçinin "sifətul məani" də adlandırırlar. Bu nöqtədəki qarışıqlıqdan qurtulmaq üçün sifətlər haqqındakı ifadələrdən sinonim olanları bilmək lazımdır.

Anlayışımızı işıqlandıracaq prinsiplərin bu qısa izahından sonra, çoxsaylı bölgülərin ən məhşurlarından birinə toxunmaq istəyirəm.
Bu bölgü sələfimizdən İmam Əbu Hənifənin "Əl Fiqhul Əkbər" adlı əsərindəki bölgüsüdür. Bu təqsimdə, sifətlər zati və feli olmaq üzrə iki qismə bölünür.
Bu mövzumuzda da məhz sifətlərin bu yöndən bölgüsü, daha dəqiq desək: zati və feli sifətlər arasındakı fərqləndirici ünsürdən danışmaq istəyirəm. Müvəffəqiyyət ancaq Allahdandır.

]]> Thu, 19 Apr 2012 18:12:41 -0400 http://www.ehlitevhid.com/forums/index.php?showtopic=1910